Mehabooba Video song | ఇండియన్ బాక్సాఫీస్ దగ్గర ‘కేజీఎఫ్ చాప్టర్-2’ ఎలాంటి విధ్వంసాలను సృష్టిస్తుందో ప్రత్యేకంగా చెప్పనవసరం లేదు . సౌత్ నార్త్ అని తేడా లేకుండా విడుదలైన ప్రతి భాషలో వసూళ్ళ వర్షాన్ని కురిపిస్తుంది. ఇటీవలే ఈ చిత్రం రూ.1100కోట్ల మార్క్ను అధిగమించి రికార్డు సృష్టించింది. ఇప్పటికే ఈ చిత్రం అన్ని భాషల్లో బ్రేక్ ఈవెన్ను పూర్తి చేసుకుంది. మరీ ముఖ్యంగా బాలీవుడ్లో ఈ చిత్రం సరికొత్త రికార్డులను క్రియేట్ చేసింది. కలెక్షన్లలో ఖాన్, కపూర్లను సైతం వెనక్కి నెట్టి రాఖీ బాయ్ టాప్ ప్లేస్లో నిలిచాడు. ఇప్పటివరకు ఈ చిత్రం హిందీలో రూ.410 కోట్లకు పైగా వసూళ్ళు చేసి రికార్డులు సృష్టిస్తుంది. చిత్రం విడుదలై 25రోజులు దాటిన కలెక్షన్లలో మాత్రం జోరు తగ్గడం లేదు. ఈ సినిమా ఇంద పెద్ద విజయం సాధించడంలో సంగీత దర్శకుడు రవి బస్రూర్ ముఖ్య పాత్ర వహించాడు. ఈయన కంపోజ్ చేసిన పాటలు, నేపథ్య సంగీతం సినిమాకి హైలెట్గా నిలిచాయి.
తాజాగా ఈ చిత్రంలోని ‘మెహబూబా’ వీడియో సాంగ్ను మేకర్స్ విడుదల చేశారు. రొమాంటిక్ మెలోడియస్గా సాగే ఈ పాట లిరికల్ సాంగ్కు ప్రేక్షకుల నుంచి విశేష స్పందన వచ్చింది. ఇక ఇప్పుడు వీడియో సాంగ్ విడుదలడంతో శ్రోతలు ఖుషి అయ్యారు. ఇటీవలే విడుదలైన ఎదగరా వీడియో సాంగ్కు మంచి స్పందన వచ్చింది. ఈ చిత్రంలో యష్కు జోడీగా శ్రీనిధి శెట్టి హీరోయిన్గా నటించింది. బాలీవుడ్ స్టార్ సంజయ్ దత్, రవీనా టాండన్, రావు రమేష్ కీలకపాత్రల్లో నటించారు. బిగ్గెస్ట్ యాక్షన్ డ్రామాగా తెరకెక్కిన ఈ చిత్రాన్ని హోంబలే ఫిలింస్ బ్యానర్పై విజయ్ కిరగందూర్ నిర్మించాడు.