Athamma’s Kitchen | పద్మవిభూషణ్ మెగాస్టార్ చిరంజీవి సతీమణి సురేఖ పుట్టినరోజు నేడు. ఈ సందర్భంగా సురేఖకు చిరంజీవి, రామ్ చరణ్తో పాటు సినీ ప్రముఖులు కూడా శుభాకాంక్షలు తెలుపుతున్న విషయం తెలిసిందే. కోడలు ఉపాసన కూడా సోషల్ మీడియా ద్వారా విషెస్ తెలుపుతూ.. ‘అత్తమ్మాస్ కిచెన్’ పేరుతో ఆన్లైన్ ఫుడ్ బిజినెస్లోకి అత్తమ్మ (సురేఖ) ఎంట్రీ ఇస్తున్నట్లు ప్రకటించింది.
అత్తమ్మ పుట్టినరోజు సందర్భంగా మా వ్యవస్థాపక వెంచర్ను ప్రారంభించడం ఆనందంగా ఉంది. సంప్రదాయానికి అనుగుణంగా రుచి ఉన్న ఆ వంటశాలలో బంధాలు తరతరాలుగా నిర్మించబడతాయి. ఇప్పుడు మా వంటగది నుంచి మీ వద్దకు రెడీ మిక్స్ రూపంలో కొన్ని ఆహార ప్రాడక్ట్స్ వస్తున్నాయి.. మీరు కూడా మీ ఇంట్లోనే వాటిని ఆస్వాదించండి. అని ఉపాసన ఇన్స్టా వేదికగా రాసుకోచ్చారు. ఇందులో ఉండే ఫుడ్ ప్రొడక్ట్స్ రెసిపీలన్ని మెగాస్టార్ సతీమణి సురేఖ చేసినవి కావడం విశేషం. కాగా.. ఈ ఫుడ్ ప్రొడక్ట్స్ అన్నీ athammaskitchen.com వెబ్సైట్ ద్వారా అందుబాటులో ఉండనున్నట్లు ప్రకటించారు.