నితిన్ హీరోగా నటిస్తున్న తాజా చిత్రం ‘మాస్ట్రో’. మేర్లపాక గాంధీ దర్శకుడు. శ్రేష్ట్ మూవీస్ పతాకంపై ఎన్.సుధాకర్రెడ్డి, నిఖితా రెడ్డి నిర్మిస్తున్నారు. నభానటేష్ కథానాయిక. తమన్నా కీలక పాత్రను పోషిస్తోంది. శ్రీరామనవమి సందర్భంగా బుధవారం చిత్రబృందం కొత్త పోస్టర్ను విడుదలచేసింది. ఇందులో నభానటేష్ స్కూటీ నడుపుతుండగా వెనుక సీట్లో నితిన్ కూర్చొని కనిపిస్తున్నారు. ‘ప్రేమ గుడ్డిదే.. కానీ వివక్ష చూపించదు’ అంటూ చిత్రబృందం పోస్టర్కు క్యాప్షన్ను జోడించింది. క్రైమ్ డ్రామా కథాంశంతో తెరకెక్కుతున్న ఈ చిత్రంలో నితిన్ అంధుడిగా కనిపించబోతున్నారు. బాలీవుడ్ చిత్రం ‘అంధాధూన్’ ఆధారంగా రూపొందిస్తున్నారు. ప్రస్తుతం చిత్రీకరణ తుదిదశకు చేరుకున్నది. జిషుసేన్గుప్తా, శ్రీముఖి, అనన్య, హర్షవర్ధన్ ప్రధాన పాత్రల్లో నటిస్తున్న ఈ చిత్రానికి సంగీతం: మహతి స్వరసాగర్, సినిమాటోగ్రఫీ: జె.యువరాజ్.