Mangalavaram Movie | ఈ మధ్య కాలంలో ఒక్క టీజర్తో ఆడియెన్స్ అటెన్షన్ను గ్రాబ్ చేసిన సినిమా ఏదైనా ఉందంటే అది మంగళవారం సినిమానే. ఆర్ఎక్స్100 వంటి కల్ట్ సినిమా తీసిన అజయ్ భూపతి ఈ సినిమాకు దర్శకుడు. టైటిల్ పోస్టర్ నుంచి ఈ సినిమాపై జనాల్లో విపరీతమైన అంచనాలు నెలకొన్నాయి. దానికి తోడు మూడ్నెళ్ల ముందు రిలీజైన టీజర్ అంచనాలను అమాంతం పెంచేసింది. అసలు మంగళవారం ఏం జరిగిందన్న క్యూరియాసిటీ అందరిలోనూ క్రియేట్ అయింది. మహాసముద్రం వంటి అల్ట్రా డిజాస్టర్ తర్వాత అజయ్ భూపతి ఈ సారి హార్రర్ కమ్ థ్రిల్లర్ జానర్ను ఎంచుకుని జనాలను భయపెట్టేందుకు సిద్ధమయ్యాడు. ఇక ఈ సినిమా నవంబర్ 17న రిలీజ్ కాబోతుంది. ఈ క్రమంలో మేకర్స ఇప్పటినుంచి బ్యాక్ టు బ్యాక్ అప్డేట్లు ప్రకటిస్తూ సినిమాపై అంతకంతకూ అంచనాలు పెంచుకుంటూ పోతున్నారు.
తాజాగా మేకర్స్ ఈ సినిమ ట్రైలర్ను రిలీజ్ చేశారు. ట్రైలర్లో సినిమా స్టోరీ పెద్దగా రివీల్ చేయకుండా కొన్ని సీన్స్ను హైలైట్ చేస్తూ అజయ్ భూపతి తెలివిగా ట్రైలర్ను కట్ చేశాడు. అనుక్షణం భయపడుతూ బతికే ఒక ఊరి ప్రజలు.. మంగళవారం వస్తే చాలు ఆ ఊర్లో ఒక శవం లేస్తుంది. అసలు ఆ హత్యలు చేస్తుంది. అది కూడా కేవలం మంగళవారమే ఎందుకు చేస్తున్నారు. అసలా ముసుగు వేసుకుని ఊరి ప్రజలను భయపెడుతున్న మనిషి ఎవరు అనే ఎన్నో ప్రశ్నలు ట్రైలర్ లేవదీసింది. చూస్తుంటే అజయ్ భూపతి ఈ సారి సరికొత్త కంటెంట్తో రాబోతున్నట్లు స్పష్టమయింది.
మరీ ముఖ్యంగా కెమెరా విజువల్స్ అయితే హై స్టాండర్డ్స్లో ఉన్నాయి. ఊరి సెటప్ను నేచురల్గా చూపించారు. ఇక అజనీష్ లోకనాథ్ మ్యూజిక్ థ్రిల్ ఫీల్ను కలిగిస్తుంది. ఇప్పటివరకు ఉన్న అంచనాలు ట్రైలర్తో రెట్టింపయ్యాయి. సినిమాకు ఏ మాత్రం పాజిటీవ్ టాక్ వచ్చిన కలెక్షన్ల మోత మోగడం పక్కా. నందిత శ్వేత, రంగం ఫేమ్ అజ్మల్ కీలకపాత్రల్లో నటిస్తున్న ఈ సినిమాను ముద్ర మీడియా వర్క్స్, ఏ క్రియేటీవ్ వర్క్స్ సంయుక్తంగా నిర్మిస్తున్నాయి.
ఆర్ఎక్స్100తో సంచలనం సృష్టించిన అజయ్ భూపతి.. మహా సముద్రం వంటి తేలిపోయిన సినిమా చేయడం ఎవ్వరూ ఊహించలేరు. పైగా శర్వానంద్, సిద్దార్థ్ వంటి అద్భుతమైన కాస్ట్ను పెట్టుకుని ఆ రేంజ్ అవుట్ పుట్ ఇవ్వడం అందరినీ షాకింగ్కు గురి చేసింది. అయితే ఆ సినిమా ప్రభావం మంగళవారంపై ఏ మాత్రం పడలేదు. పైగా ఇప్పుడంతా థ్రిల్లర్ సినిమాలదే హావా అవడంతో మంగళవారం సినిమాపై జనాల్లో తిరుగులేని అంచనాలున్నాయి.