టాలీవుడ్ (Tollywood) స్టార్ హీరో మహేశ్ బాబు (Mahesh Babu) ప్రస్తుతం సర్కారు వారి పాట (Sarkaru Vaari Paata) ప్రమోషన్స్ లో బిజీగా ఉన్నాడు. ఇంటర్వ్యూలు, ఇతర కార్యక్రమాలతో బిజీ అయిపోయాడు. మహేశ్ ట్విటర్లో #Whatshappening ఇంటర్వ్యూలో పాల్గొనగా..ఆ వీడియో ఇపుడు నెట్టింట వైరల్గా మారింది. ఇందులో ట్విటర్కు సంబంధించిన కొన్ని ఫన్నీ ప్రశ్నలకు తనదైన స్టైల్లో సమాధానాలిచ్చాడు సూపర్ స్టార్. మొదట హాయ్ నేను మహేశ్ బాబు వాట్స్ హ్యాపెనింగ్..అంటూ అందరినీ పలుకరించాడు.
మీ గురించి హ్యాష్ ట్యాగ్తో ఒక్కమాటలో చెప్పండని అడుగగా..సైలెన్స్ అండ్ ఫోకస్ అంటూ రిప్లై ఇచ్చాడు. మిమ్మల్ని ఓ ఎమోజీలో చూడాలంటే..నవ్వుతూ అని సమాధానమిచ్చాడు. ట్విటర్లో మీరు ఎవరిని చూడాలనుకుంటున్నారని ప్రశ్నించగా..ఒక్క క్షణం కూడా ఆలోచించకుండా తన సతీమణి నమ్రత ట్విటర్లో జాయిన్ కావాలనుకుంటున్నానని, వెంటనే ఆమెను ఫాలో అవుతానని చెప్పాడు.
సర్కారు వారి పాట గురించి ఒక్క ట్వీట్ లో ఎలా చెప్తారనగా..అభిమానులు ఈ వేసవికి సినిమాను హిట్ చేస్తున్నారని కాన్ఫిడెంట్గా చెప్పాడు. ఇపుడీ వీడియో ఆన్ లైన్లో హల్ చల్ చేస్తోంది. పరశురాం (Parasuram) దర్శకత్వం వహిస్తున్న ఈ చిత్రం మే 12న థియేటర్లలో గ్రాండ్గా విడుదల కానుంది. కీర్తిసురేశ్ (Keerthy Suresh) ఫీ మేల్ లీడ్ రోల్లో నటిస్తోంది.
Here's #WhatsHappening! pic.twitter.com/zGF6s5crdk
— Mahesh Babu (@urstrulyMahesh) May 10, 2022