Mahesh Babu | తెలుగు సినిమాకోసం ప్రపంచం ఎదురుచూసేలా చేసిన దర్శకుడు రాజమౌళి. ఆయన సూపర్స్టార్ మహేశ్బాబుతో చేయనున్న సినిమాకోసం ప్రపంచమే ఆసక్తిగా ఎదురుచూస్తున్నది. రచయిత విజయేంద్రప్రసాద్ పలు వేదికలపై ఈ సినిమా గురించి కొత్త కొత్త అప్డేట్లు ఇస్తూ ప్రేక్షకుల్లో ఆసక్తిని రెట్టింపులు చేస్తున్నారు.
అమెజాన్ ఫారెస్ట్ నేపథ్యంలో ట్రజర్ హంట్ కథాంశంతో దర్శకుడు రాజమౌళి ఈ చిత్రాన్ని తెరకెక్కిస్తున్నట్టు సమాచారం. ఈ అడ్వంచరస్ డ్రామా గురించి ఇప్పుడిప్పుడే కొత్త కొత్త విషయాలు వెలుగుచూస్తున్నాయి. ఈ సినిమాకోసం మహేశ్ తన శరీరాకృతిని పూర్తిగా మార్చుకునే పనిలోవున్నారు. రాత్రింబవళ్లూ జిమ్ములోనే గడుపుతూ ఊహించని విధంగా మేకోవర్ అవుతున్నారు. తాజాగా తెలుస్తున్న వార్తేంటంటే.. ఇందులో మహేశ్ పూర్తి గడ్డంతో కనిపిస్తారట. అందుకోసం స్టయిల్గా గడ్డంపెంచే పనిలో ఉన్నారు సూపర్స్టార్.
హాలీవుడ్ ట్రజర్ హంట్ చిత్రాలను తలదన్నేలా ఈ సినిమాను దర్శకధీరుడు తెరకెక్కించనున్నట్టు యూనిట్వర్గాలు చెబుతున్నాయి. ప్రస్తుతం స్క్రిప్ట్ వర్క్ జరుగుతోంది. కథతోపాటు మాటలు కూడా విజేంద్రప్రసాదే అందిస్తున్నట్టు తెలిసింది. తెలుగు చలనచిత్ర చరిత్రలో సూపర్స్టార్ కృష్ణ నటించినన్ని ట్రజంర్ హంట్ కథలు ఏహీరో నటించలేదన్నది నిజం. ఇప్పుడు తండ్రి బాటలోనే మహేశ్ కూడా ట్రజర్ హంట్ కథతోరానున్నారు. ఇంకా ఈ సినిమాకు సంబంధించిన మిగతా వివరాలు తెలియాల్సివుంది.