ఇలాంటి కాన్సెప్ట్‌ ఇంతవరకూ రాలేదు

‘ఇది హారర్‌ కాదు.. దెయ్యాన్ని చూసి భయపడటం అంతకన్నా కాదు.. ప్రేమించడం.. ఇలాంటి కాన్సెప్ట్‌తో ఇంతవరకూ సినిమా రాలేదు.

‘ఇది హారర్‌ కాదు.. దెయ్యాన్ని చూసి భయపడటం అంతకన్నా కాదు.. ప్రేమించడం.. ఇలాంటి కాన్సెప్ట్‌తో ఇంతవరకూ సినిమా రాలేదు. అందుకే ప్రేక్షకులు ప్రశంసలు కురిపిస్తున్నారు’ అన్నారు యువహీరో అశిష్‌. ఆయన కథానాయకుడిగా నటించిన సినిమా ‘లవ్‌ మీ’. ‘ఇఫ్‌ యు డేర్‌’ అనేది ఉపశీర్షిక. వైష్ణవి చైతన్య కథానాయిక.

అరుణ్‌ భీమవరపు దర్శకుడు. హర్షిత్‌రెడ్డి, హన్షిత, నాగ మల్లిడి నిర్మాతలు. శనివారం విడుదలైన ఈ సినిమా సక్సెస్‌ మీట్‌ హైదరాబాద్‌లో జరిగింది. దర్శకుడు మాట్లాడుతూ ‘ఇది స్లో పాయిజన్‌ లాంటి సినిమా. మెల్లిమెల్లిగా ఎక్కేస్తుంది. జనాలు బాగా ఎంజాయ్‌ చేస్తున్నారు’ అని చెప్పారు. ఏ ట్విస్ట్‌కి ఎలా రియాక్ట్‌ అవుతారని అనుకున్నామో.. ఆడియన్స్‌ అలానే రియాక్ట్‌ అవుతున్నారని వైష్ణవి చైతన్య అన్నారు. ప్రేక్షకుల స్పందనపై నిర్మాతలు ఆనందం వెలిబుచ్చారు.