ఊ అంటావా మావా.. ఊఊ అంటావా మావా.. అంటూ సమంత చేసిన డ్యాన్స్కు కుర్రకారు ఫిదా అయిపోయారు. పుష్ప సినిమాలోని ఈ పాట సినిమాకే హైలెట్. ముఖ్యంగా సమంత మాత్రం ఈ సాంగ్లో కుమ్మేసింది. ఆ సాంగ్కు చాలామంది డ్యాన్స్ వేసి ఆ వీడియోను సోషల్ మీడియాలో పోస్ట్ చేస్తున్నారు. తాజాగా సౌత్ కొరియాకు చెందిన ఓ డ్యాన్స్ గ్రూప్ ఊ అంటావా పాటకు డ్యాన్స్ వేసి అదరగొట్టేసింది.
సాధారణంంగా ఏదైనా తెలుగు సినిమా క్రేజ్ కేవలం తెలుగు రాష్ట్రాలకే పరిమితం అవుతుంది. కానీ.. పుష్ప క్రేజ్ మాత్రం దేశాలు దాటింది. చివరకు సౌత్ కొరియాకు చెందిన బీటీఎస్ అనే డ్యాన్స్ గ్రూప్ ఊ అంటావా పాటకు డ్యాన్స్ వేసి ఆ వీడియోను సోషల్ మీడియాలో పోస్ట్ చేసింది. అంతే కాదు.. బీటీఎస్ మధ్యలో ఉంటే టీ అంటే టాలీవుడ్ అంటూ క్యాప్షన్ కూడా పెట్టింది. ఆ డ్యాన్స్ గ్రూప్ డ్యాన్స్ చూసి నెటిజన్లు ఫిదా అయిపోతున్నారు.