Kiran Abbavaram | కిరణ్‌ అబ్బవరం రొమాంటిక్‌ యాక్షన్‌ ఎంటైర్టెనర్‌.. దిల్‌ రూబా

‘క’తో తొలి బ్లాక్‌బస్టర్‌ అందుకున్నారు హీరో కిరణ్‌ అబ్బవరం. ఆయన చేస్తున్న తాజా సినిమాకు ‘దిల్‌ రూబా’ అనే టైటిల్‌ ఖరారు చేశారు.

• అతని ప్రేమ.. అతని కోపం..

Kiran Abbavaram | ‘క’తో తొలి బ్లాక్‌బస్టర్‌ అందుకున్నారు హీరో కిరణ్‌ అబ్బవరం. ఆయన చేస్తున్న తాజా సినిమాకు ‘దిల్‌ రూబా’ అనే టైటిల్‌ ఖరారు చేశారు. రుక్సర్‌ థిల్లాన్‌ కథానాయికగా నటిస్తున్న ఈ చిత్రానికి విశ్వ కరుణ్‌ దర్శకుడు. రవి, జోజో జోస్‌, రాకేష్‌రెడ్డి, సారెగమ నిర్మాతలు. ఈ సినిమా టైటిల్‌ పోస్టర్‌ని గురువారం విడుదల చేశారు. ఈ పోస్టర్‌లో కిరణ్‌ అబ్బవరం యూనిక్‌ ైస్టెల్‌లో, యాటిట్యూడ్‌తో కనిపిస్తున్నారు.

హీరో పాత్రను ఆవిష్కరించేలా పోస్టర్‌పై ‘హిస్‌ లవ్‌.. హిస్‌ యాంగర్‌’ అనే కొటేషన్‌ను పొందుపరిచారు. ఇది రొమాంటిక్‌ యాక్షన్‌ ఎంటైర్టెనర్‌ అని, కిరణ్‌ అబ్బవరం కెరీర్‌లో మరో మైలురాయిలా ఈ సినిమా నిలుస్తుందని మేకర్స్‌ తెలిపారు. ఈ చిత్రానికి కెమెరా: డానియేల్‌ విశ్వాస్‌, సంగీతం: సామ్‌ సీస్‌.