సామాజిక సందేశం, బలమైన భావోద్వేగాలు కలబోసిన మహిళా ప్రధాన చిత్రాలకు అధిక ప్రాధాన్యతనిస్తున్నారు అగ్ర కథానాయికలు. పాత్రలపరంగా సవాళ్లను స్వీకరిస్తూ తమ ప్రతిభను చాటుకోవాలని తాపత్రయపడుతున్నారు. తాజాగా చెన్నై చిన్నది కీర్తి సురేష్ హిందీ ‘మిమి’ చిత్ర దక్షిణాది భాషల రీమేక్లో నటించబోతున్నట్లు తెలిసింది. కృతిసనన్ ప్రధాన పాత్రలో నటించిన ‘మిమి’ చిత్రం ఇటీవలే ఓటీటీ ద్వారా విడుదలైన విమర్శకుల్ని మెప్పించింది. అదె ్దగర్భం ధరించిన ఓ మహిళా జీవన ప్రయాణానికి, మానసిక సంఘర్షణకు అద్దం పడుతూ హృద్యమైన భావోద్వేగాలతో ఆకట్టుకుంది. తాజాగా ఈ చిత్రాన్ని తెలుగు, తమిళం, మలయాళ భాషల్లో పునర్నిర్మించేందుకు సన్నాహాలు చేస్తున్నారు. ఇందులో కీర్తిసురేష్ ప్రధాన పాత్రలో నటించనున్నట్లు తెలిసింది. హిందీ మాతృక ఎంతగానో ఆకట్టుకోవడంతో ఆ పాత్రకు తాను పూర్తిస్థాయిలో న్యాయం చేయగలననే నమ్మకంతో ఉందట కీర్తిసురేష్. ప్రస్తుతం ఈ సుందరి తెలుగులో మహేష్బాబు సరసన ‘సర్కారు వారి పాట’చిత్రంలో నటిస్తున్న విషయం తెలిసిందే.