తమిళ హీరో కార్తీ తెలుగు చక్కగా మాట్లాడతారన్న విషయం తెలిసిందే. ఇప్పుడు ఏకంగా పాటే పాడేశారు. ఆయన రాబోతున్న ‘జపాన్’ సినిమాలో ‘టచ్చింగ్ టచ్చింగ్..’ అంటూ జి.వి.ప్రకాశ్కుమార్ స్వరపరిచిన పాటను ఇంద్రావతి చౌహాన్తో కలిసి పాడేశారు కార్తీ. కార్తీ వాయిస్ ఈ పాటకు ప్రత్యేక ఆకర్షణగా నిలిచిందని సంగీత దర్శకుడు జి.వి.ప్రకాశ్కుమార్ అన్నారు.
మాస్ మెచ్చే విధంగా భాస్కరభట్ల రచించిన ఈ పాట సినిమాకే హైలైట్గా నిలుస్తుందని దర్శకుడు రాజు మురుగన్ చెప్పారు. ‘జపాన్’ కథ, కార్తీ గెటప్, ఆయన మేనరిజమ్స్, అను ఇమ్మాన్యుయేల్తో కార్తీ కెమిస్ట్రీ ఇవన్నీ సినిమాను ప్రధానబలాలని ఆయన అన్నారు. కేఎస్.రవికుమార్, సునీల్, విజయ్ మిల్టన్ ప్రత్యేకపాత్రలు పోషిస్తున్న ఈ చిత్రానికి కెమెరా ఎస్.రవివర్మన్. నిర్మాతలు ఎస్.ఆర్.ప్రకాశ్బాబు, ఎస్.ఆర్. ప్రభు.