కమల్హాసన్-శంకర్ కాంబినేషన్లో వచ్చిన ‘భారతీయుడు’ (1996) చిత్రం విమర్శకుల ప్రశంసలందుకోవడంతో పాటు బాక్సాఫీస్ వద్ద సంచలనం సృష్టించింది. సమాజాన్ని పట్టిపీడిస్తున్న అవినీతిపై సేనాపతి చేసిన పోరాటం అందరిని ఆకట్టుకుంది. ఈ సినిమాకు సీక్వెల్గా రూపొందిన ‘భారతీయుడు-2’ ప్రపంచవ్యాప్తంగా జూలై 12న రిలీజ్ కానున్న విషయం తెలిసిందే. ఈ నేపథ్యంలో ప్రచారపర్వంలో వేగాన్ని పెంచారు. బుధవారం నాడు ‘శౌర..’ అనే లిరికల్సాంగ్ను విడుదల చేశారు. సుద్దాల అశోక్తేజ రాసిన ఈ గీతానికి అనిరుధ్ రవిచందర్ స్వరాలను సమకూర్చారు. రితేజ్ జి రావు, శృతికా సముద్రాల ఆలపించారు. పాటలోని విజువల్స్ ఆకట్టుకునేలా ఉన్నాయి. సీక్వెల్లో స్వాతంత్య్ర సమరయోధుడు సేనాపతి పోరాటం మరోస్థాయిలో ఉంటుందని చిత్ర బృందం పేర్కొంది. ఎస్.జె. సూర్య, సిద్ధార్థ్, కాజల్ అగర్వాల్, రకుల్ ప్రీత్సింగ్, ప్రియా భవానీశంకర్, నెడుముడి వేణు, వివేక్, కాళిదాస్, జయరాం, గుల్షన్ గ్రోవర్, సముద్రఖని, బాబీ సింహా, బ్రహ్మానందం, జాకీర్ హుస్సేన్, తదితరులు ఇతర పాత్రలు పోషిస్తున్న ఈ చిత్రానికి సంగీతం: అనిరుధ్ రవిచంద్రన్, కెమెరా: రవివర్మన్, ఎడిటింగ్: ఎ.శ్రీకర్ప్రసాద్. నిర్మాణం: లైకా ప్రొడక్షన్స్, రెడ్ జెయింట్ ప్రొడక్షన్స్.