డిస్నీ ప్లస్ హాట్స్టార్: మే 14
తారాగణం: జీవీ ప్రకాశ్కుమార్, ఇవానా, భారతీరాజా తదితరులు
దర్శకత్వం: పీవీ శంకర్
తమిళ సినిమాలు తెలుగులో విడుదల కావడం సాధారణమే. ఇలా విడుదలైన సినిమాలు బాక్సాఫీస్ వద్ద మంచి వసూళ్లు సాధించాయి కూడా. కెరీర్లో మ్యూజిక్ డైరెక్టర్గా, సింగర్గా పేరు సంపాదించుకున్న జీవీ ప్రకాశ్కుమార్ హీరోగా చేసిన మరో సినిమా ‘కల్వన్’. తమిళంలో తెరకెక్కి విజయం సాధించిన ఈ సినిమాను తెలుగులోకి డబ్బింగ్ చేయగా, ప్రముఖ ఓటీటీ డిస్నీ ప్లస్ హాట్స్టార్లో స్ట్రీమింగ్ అవుతున్నది.
కథ: కెంబన్ అలియాస్ కెంబరాజు (జీవీ ప్రకాశ్కుమార్) స్నేహితుడు సూరి (దీనా)తో కలిసి అడవి పక్కనే ఉన్న చిన్న పల్లెటూరిలో జీవిస్తుంటాడు. అనాథలైన వీరిద్దరూ ఊళ్లో చిన్న చిన్న దొంగతనాలు చేస్తుంటారు. ఒకరోజు తన ఇంట్లో దొంగతనానికి వచ్చిన ఆ ఇద్దరిని ఇంటి యజమానురాలు బాలమణి (ఇవానా)తెలివిగా పోలీసులకు పట్టిస్తుంది.
అప్పుడే బాలమణితో ప్రేమలో పడతాడు కెంబన్. బాలమణి మెప్పు పొందడం కోసం అనాథాశ్రమంలో ఉండే ఒక వృద్ధుడి (భారతీరాజా)ని దత్తత తీసుకుంటాడు. అది నిజమని నమ్మిన బాలమణి కెంబన్తో ప్రేమలో పడుతుంది. ఇక, కెంబన్ నివసించే గ్రామంలో తరచూ ఏనుగులు, పులులు దాడి చేస్తాయి. ప్రతిసారీ ప్రాణం నష్టం జరుగుతుంది. ఓసారి గ్రామంలోకి వచ్చిన పులిని వృద్ధుడు కంట్రోల్ చేసి గ్రామస్తులకు షాక్ ఇస్తాడు. అడవి జంతువుల దాడిలో చనిపోయినవాళ్ల కుటుంబానికి ప్రభుత్వం నుంచి నష్టపరిహారం అందుతుంటుంది.
అలా మరణిస్తే నష్టపరిహారం వస్తుందన్న ఆశతోనే కెంబరాజు ఓ పథకం ప్రకారం వృద్ధుడిని దత్తత తీసుకున్నాడని బాలమణికి తెలిసిపోతుంది. కెంబరాజు ప్లాన్ను వృద్ధుడు ఎలా తిప్పికొట్టాడు? పులిని వృద్ధుడు ఎలా కంట్రోల్ చేశాడు? కెంబన్ కోసం తాత చేసిన త్యాగం ఏమిటి? అనేదే సినిమా కథ.
లవ్స్టోరీకి హ్యూమన్ ఎమోషన్స్ను జోడిస్తూ తెరకెక్కించిన ఈ సినిమా కథ కొత్తగా ఉంది. కామెడీ, సెంటిమెంట్, ప్రేమకథ అన్ని ఎలిమెంట్స్ ఉన్నప్పటికీ తెలుగు ప్రేక్షకులకు అంతగా నచ్చకపోవచ్చు. అయితే, ఈ వీకెండ్లో ఫ్యామిలీతో టైమ్పాస్ చేసేందుకు కల్వన్ సినిమా చూడవచ్చు. కల్వన్ అంటే తెలుగులో దొంగ అని అర్థం. అయితే, ఆ టైటిల్కు సినిమాకు సంబంధం పెద్దగా లేదనిపిస్తుంది.