ఇప్పటివరకూ ఒకెత్తు ‘సత్యభామ’ ఒకెత్తు

కథ నచ్చడంతో సినిమా ఒప్పుకోవడమేకాక, సరాసరి కుటుంబంతో సహా హైదరాబాద్‌ వచ్చి సెటిలైపోయి షూటింగ్‌లో పాల్గొంటున్నది కాజల్‌ అగర్వాల్‌. అదీ కాజల్‌ నిబద్ధత. ప్రస్తుతం ఆమె ‘సత్యభామ’ అనే సినిమాలో నటిస్తున్న విషయం తెలిసిందే. కుటుంబంతో సహా కాజల్‌ హైదరాబాద్‌లో సెటిలైంది ఈ సినిమా కోసమే.

కథ నచ్చడంతో సినిమా ఒప్పుకోవడమేకాక, సరాసరి కుటుంబంతో సహా హైదరాబాద్‌ వచ్చి సెటిలైపోయి షూటింగ్‌లో పాల్గొంటున్నది కాజల్‌ అగర్వాల్‌. అదీ కాజల్‌ నిబద్ధత. ప్రస్తుతం ఆమె ‘సత్యభామ’ అనే సినిమాలో నటిస్తున్న విషయం తెలిసిందే. కుటుంబంతో సహా కాజల్‌ హైదరాబాద్‌లో సెటిలైంది ఈ సినిమా కోసమే. ఇందులోని తన పాత్ర గురించీ, సినిమా గురించీ మీడియాతో మాట్లాడింది కాజల్‌. ‘ఇందులో నేను పోలీస్‌ అధికారిగా నటిస్తున్నాను. శశికిరణ్‌ డైరెక్ట్‌ చేసిన ‘మేజర్‌’ సినిమా అంటే నాకు చాలా ఇష్టం. ఆయన నా ‘సత్యభామ’కు దర్శకుడు కాకపోయినా సమర్పకుడు కావడం, స్క్రీన్‌ప్లే అందించడం చాలా ఆనందంగా ఉంది. ‘భగవంత్‌ కేసరి’ షూటింగ్‌ టైమ్‌లో శశికిరణ్‌ నాకీ కథ చెప్పారు.

విని ఆశ్చర్యానికి లోనయ్యాను. అద్భుతమైన కథ, అత్యద్భుతమైన పాత్ర. వదులుకోకూడదని ఫిక్స్‌ అయిపోయి కుటుంబసమేతంగా హైదరాబాద్‌ వచ్చేశాను. అప్పట్నుంచి ఇక్కడే ఉంటూ, ఓవైపు బాబుని చూసుకుంటూ, మరోవైపు షూటింగ్‌లో పాల్గొంటున్నాను. ఇందులో నా పాత్ర పవర్‌ఫుల్‌గా ఉంటుంది. అందుకే మార్షల్‌ ఆర్ట్స్‌ కూడా నేర్చుకుంటున్నాను. ఈ పాత్ర పోషణ విషయంలో విజయశాంతిగారే నాకు ఇన్‌స్పిరేషన్‌. ఆమెను స్పూర్తిగా తీసుకొని యాక్షన్‌ సీన్స్‌ చేస్తున్నా. ఇప్పటిదాకా నేను చేసిన పాత్రలన్నీ ఒకెత్తు. ‘సత్యభామ’ ఒక ఎత్తు. ఇప్పటికే 65శాతం షూటింగ్‌ పూర్తయింది.’ అంటూ చెప్పుకొచ్చింది కాజల్‌ అగర్వాల్‌.