K.G.F Chapter-2 On OTT | ప్రస్తుతం దేశమంతటా ‘కేజీఎఫ్ చాప్టర్-2’ హవా నడుస్తుంది. సౌత్ నుంచి నార్త్ వరకు కలెక్షన్ల ప్రభంజనం సృష్టిస్తుంది. విడుదలైన మొదటి రోజే 130కోట్ల కలెక్షన్లను సాధించి హైయెస్ట్ డే1 రికార్డులలో మూడో స్థానంలో నిలిచింది. అంతేకాకుండా బాలీవుడ్లో వాళ్ళ సినిమాలను సైతం వెనక్కి నెట్టి టాప్ ప్లేస్లో నిలిచింది. యష్ నటన, అభినయానికి ప్రేక్షకులు బ్రహ్మరథం పడుతున్నారు. ప్రశాంత్ నీల్ టేకింగ్కు సినీప్రముఖులు సైతం జైజైలు కొడుతున్నారు. ఇదిలా ఉంటే ఈ చిత్రానికి సంబంధంచిన డిజిటల్ డేట్ సోషల్ మీడియాలో వైరల్గా మారింది.
‘కేజీఎఫ్ చాప్టర్-2’ చిత్రాన్ని విడుదలకు నాలుగు వారాల తర్వాత అమేజాన్ ప్రైమ్లో స్ట్రీమింగ్ చేయాలని మేకర్స్ డీల్ను కుదిరించుకున్నారట. ఈ క్రమంలో చాప్టర్-2 చిత్రాన్ని మే 13న ప్రైమ్లో స్ట్రీమింగ్ కానున్నట్లు తెలుస్తుంది. దీనిపై అధికారిక ప్రకటన రావాల్సి ఉంది. ఈ చిత్రంలో యష్కు జోడీగా శ్రీనిధి శెట్టి హీరోయిన్గా నటించింది. బాలీవుడ్ స్టార్ సంజయ్ దత్, రవీనా టాండన్ కీలకపాత్రల్లో నటించారు. హోంబలే ఫిలింస్ బ్యానర్పై విజయ్ కిరగందూర్ నిర్మించాడు.