Visit:
దక్షిణాది సినీరంగంలో బ్యూటీఫుల్ కపుల్గా పేరు తెచ్చుకున్నారు సూర్య-జ్యోతిక. ఓవైపు కుటుంబ బాధ్యతల్ని పంచుకుంటూనే వృత్తిపరంగా కూడా ఒకరికొకరు అండగా నిలుస్తుంటారు. తాజా ఇంటర్వ్యూలో ఈ దంపతులిద్దరూ తమ వ్యక్తిగత జీవితం తాలూకు ఆసక్తికరమైన విషయాల్ని పంచుకున్నారు. ‘ఫిల్మ్ ప్రొడక్షన్స్ దగ్గరి నుంచి ఇంటి వ్యవహారాల వరకు ప్రతీ విషయంలో మేము కలిసే నిర్ణయాలు తీసుకుంటాం.
సూర్య భర్తగా చాలా గొప్ప వ్యక్తి. ఆయన మనసులో సమానత్వం మొదటి నుంచే ఉంది. పుట్టుకతో వచ్చిన గుణం అది. ఏ విషయంలోనైనా నా నిర్ణయాలను ఆయన గౌరవిస్తారు. ఒకరి ఎదుగుదలను చూసి మరొకరు ఆనందించడం మాకు చాలా ఇష్టమైనది. కెరీర్ తొలినాళ్లలో సూర్య పారితోషికం కంటే నాకు మూడింతలు ఎక్కువగా ఉండేది. కానీ ఇప్పుడు మాత్రం ముప్పై రెట్లు తగ్గింది’ అని జ్యోతిక చెప్పింది. ప్రస్తుతం ఆమె మాటలు సోషల్మీడియాలో వైరల్గా మారాయి.
