సహజనటి జయసుధ విలక్షణమైన పాత్రలలో నటించి ప్రేక్షకులని ఎంతగా అలరించిందో ప్రత్యేకంగా చెప్పనక్కర్లేదు. ఆమె అందం, అభినయానికి ఎంతో మంది ఫిదా అయ్యారు. ఇటీవలి కాలంలో జయసుధ అందరికి చాలా దూరంగా ఉంటుంది. ‘మహర్షి’, బాలకృష్ణ ‘రూలర్’ తర్వాత జయసుధ పెద్దగా సినిమాల్లో కనిపించడం లేదు. అనారోగ్యం వలన ఆమె అమెరికాలో ఉంటున్నట్టు సమాచారం.
ఒకప్పుడు వరస సినిమాలతో బిజీగా ఉండే ఈమె.. కొన్ని నెలలుగా ఎందుకో సినిమాలకు దూరంగానే ఉంటున్నారు. భర్త నితిన్ కపూర్ మరణం తర్వాత ఈమెకు సినిమాలపై ఉన్న ఆసక్తి కూడా తగ్గిపోయినట్లు అనిపిస్తుంది. జయసుధ కొడుకు నిహార్ కపూర్ గ్యాంగ్స్టర్ గంగరాజు అనే సినిమాలో విలన్గా నటిస్తున్నాడు. రీసెంట్గా జయసుధ షేర్ చేసిన పిక్ అందరు షాక్ అయ్యేలా చేసింది.
ఎంతో కళగా ఉండే జయసుధ ముఖం కాస్త పీక్కుపోయినట్టు కనిపిస్తుంది. ‘స్మైల్.. ఇట్స్ ఫ్రీ థెరపీ’ అంటూ జయసుధ ట్విట్టర్, ఇన్స్టాగ్రామ్లో ఫొటో షేర్ చేయగా, ఈ పిక్ చూసి అభిమానులు ఆమె ఆరోగ్యంపై ఆరాలు తీస్తున్నారు. జయసుధకు ఏమైంది అంటూ కామెంట్స్ చేస్తున్నారు. త్వరలో ఆమె హైదరాబాద్ తిరిగి రాబోతున్నారని తెలుస్తోంది. ఒకప్పుడు స్టార్ హీరోయిన్గా సంచలనాలు రేపారు జయసుధ. కేవలం హోమ్లీ హీరోయిన్గానే కాకుండా బికినీ వేసి ఓ టైమ్లో వెండితెరను వేడెక్కించారు.