Jaya Janaki Nayaka Movie | అగ్ర నిర్మాత బెల్లంకొండ సురేష్బాబు వారసుడిగా ఇండస్ట్రీలోకి ఎంట్రీ ఇచ్చినా.. తనకంటూ ప్రత్యేక గుర్తింపు ఏర్పరుచుకున్నాడు బెల్లంకొండ శ్రీనివాస్. అల్లుడు శ్రీను సినిమాతో ఇండస్ట్రీలోకి ఎంట్రీ ఇచ్చిన శ్రీనివాస్ తొలి సినిమానే సూపర్ హిట్గా నిలిచింది. నటుడిగా కూడా బెల్లంకొండకు మంచి మార్కులే పడ్డాయి. ఆ తర్వాత స్పీడున్నోడు వంటి విభిన్న సినిమాతో వచ్చి బాక్సాఫీస్ దగ్గర తొలి ఫ్లాప్ అందుకున్నాడు. ఈ సినిమా ఫలితం ఎలాగున్నా ఆ తర్వాత ఏకంగా బోయపాటితో జయ జానకి నాయక మూవీ చేశాడు. ఈ సినిమాకు మిశ్రమ స్పందన వచ్చినప్పటికి అదిరిపోయే ఓపెనింగ్స్ వచ్చాయి. కానీ ఫైనల్గా బ్రేక్ ఈవెన్ సాధించకుండానే థియేటర్లలో నుంచి వెళ్లిపోయింది.
అయితే మాస్ ఆడియెన్స్కు మాత్రం ఈ సినిమా తెగ నచ్చేసింది. రీపీటెడ్ షోలు కూడా చూసారంటే బోయపాటి మాస్ యాక్షన్ ఆడియెన్స్ను ఏ విధంగా ఆకట్టుకుందో అర్థమవుతుంది. తెలుగు సంగతి ఇలా ఉంటే నార్త్ ఆడియెన్స్కు ఈ సినిమా ఇంకా బాగా కనెక్ట్ అయింది. యూట్యూబ్లో మిలయన్ల వ్యూస్ను సాధించింది. కాగా తాజాగా ఈ సినిమా ప్రపంచ రికార్డు క్రియేట్ చేసింది. ప్రపంచంలోనే అత్యధిక మంది వీక్షించిన సినిమాగా సరికొత్త రికార్డు సృష్టించింది. ఇప్పటివరకు ఈ సినిమాను యూట్యూబ్లో 700మిలియన్ల మంది అంటే 70 కోట్ల మంది వీక్షించారు.
బెల్లంకొండ శ్రీనివాస్కు నార్త్లో మంచి క్రేజే ఉంది. ఆయన నటించిన సినిమాలు హిందీ డబ్బింగ్ వెర్షన్లకు మిలియన్లలో వ్యూస్ ఉన్నాయి. సీతా, కవచం, సాక్ష్యం, స్పీడున్నోడు వంటి సినిమాలకు వందల మిలియన్లలో వ్యూస్ సాధించాయి. ఇక ఇప్పుడు శ్రీనివాస్ హిందీలోకి ఛత్రపతి రీమేక్తో డెబ్యూ ఇస్తున్నాడు. ఇటీవలే రిలీజైన ఫస్ట్లుక్ పోస్టర్కు ప్రేక్షకుల నుంచి విశేష స్పందన వచ్చింది. ఈ సినిమా సమ్మర్ కానుకగా మే 12న ప్రేక్షకుల ముందుకు రానుంది.