Visit:
Jaya Bachchan | ప్రముఖ నటి బయా బచ్చన్‌ తరుచుగా ఫొటోగ్రాఫర్లపై విరుచుకుపడుతుంటారు. తాజాగా ఆమె మరోసారి పాపరాజి కల్చర్‌పై ఆగ్రహం వ్యక్తం చేసింది. ఇటీవల జరిగిన ఓ కార్యక్రమంలో ఆమె శిక్షణ పొందిన జర్నలిస్టులపై తనకున్న గౌరవాన్ని, సెలబ్రిటీ ఈవెంట్లలో ఫొటోగ్రాఫర్లతో కలిగే ఇబ్బందుల గురించి చెప్పుకొచ్చారు. ఇందుకు సంబంధించిన వీడియో వైరల్‌ అవుతుంది. వీడియోలో జయాబచ్చన్‌ మాట్లాడుతూ.. నేను మీడియా ప్రాడక్ట్‌ను కాదు. కానీ, పాపరాజిలతో సంబంధం లేదు. ఈ వ్యక్తులు ఎవరు? ఈ దేశ ప్రజలకు ప్రాతినిథ్యం వహించేందుకు వారు శిక్షణ పొందారా? మీరు వారిని మీడియా అని పిలుస్తారా? నేను మీడియా కుటుంబం నుంచే వచ్చాను. నా తండ్రి ఓ జర్నలిస్ట్‌. అలాంటి వ్యక్తులపై నాకు చాలా గౌరవం వుంది’ అని పేర్కొన్నారు. పాపరాజి కల్చర్‌పై విమర్శలు గుప్పించారు. వారి డ్రెస్సింగ్‌, ప్రవర్తన గురించి పలు వ్యాఖ్యలు చేశారు. వీళ్ళు ఎలాంటి వ్యక్తులు? ఎక్కడి నుంచి వచ్చారు? ఏం చదువు చదివారు? వారి నేపథ్యం ఏంటీ? అంటూ ప్రశ్నలు సంధించారు. ఇదే కార్యక్రమానికి సంబంధించిన వీడియోలో ఫొటోగ్రాఫర్లు ఫొటోలు తీసుస్తుండగా వారిని తప్పించుకోవడం కనిపించింది. ఆమె రెడ్‌ కార్పెట్‌పై కనిపించేందుకు సైతం నిరాకరించారు. బయా బచ్చన్‌ చివరిసారిగా 2023లో వచ్చిన రాకీ ఔర్‌ రాణి కి ప్రేమ్‌ కహానీ’ చిత్రంలో నటించింది.
View this post on Instagram
గతంలోనూ పలువురు పాపరాజి కల్చర్‌పై పలువురు బాలీవుడ్‌ ప్రముఖులు సైతం ఆగ్రహం వ్యక్తం చేశారు. పాపరాజి అనేది ఒక వ్యక్తి కాదు.. ఫోటోగ్రాఫర్ల సమూహం. వారు స్వతంత్రంగా పనిచేసే ఫోటోగ్రాఫర్‌లు. వీళ్లు సెలబ్రిటీలు, క్రీడాకారులు, రాజకీయ నాయకులు వంటి ప్రముఖల ఫొటోలు, వీడియోలు తీస్తుంటారు. ఈ సంస్కృతి కారణంగా సెలబ్రిటీల ప్రైవేట్ జీవితం బహిరంగమవుతుంది. వారు ఎక్కడికి వెళ్తున్నారు.. ఎవరిని కలుస్తున్నారు అనే విషయాలు వార్తల్లో వస్తుంటాయి. చాలామంది సెలబ్రిటీలు ఈ పాపరాజి కల్చర్ అసంతృప్తి వ్యక్తం చేస్తుంటారు. వారి ప్రైవసీకి భంగం కలిగిస్తుంది. బాలీవుడ్‌లో ఎక్కువగా ఈ పాపరాజి కల్చర్ ఎక్కువగా కనిపిస్తుంది. ముంబయిలో సెలబ్రిటీలు ఎక్కడ కనిపించాన ఫొట్రోగ్రాఫర్లు వారిని చుట్టుమట్టి అనుమతి లేకుండానే ఫొటోలు, వీడియోలు తీయడం అందరూ చూసే ఉంటారు. విమానాశ్రయాలు, జిమ్‌ల దగ్గర కనబడగానే ఫొటోగ్రాఫర్లు పరిగెత్తుకెళ్లి మరీ ఫొటోలు, వీడియోలు తీస్తుంటారు. అయితే, హీరో హీరోయిన్లు పలానా? ప్లేస్‌కు వెళ్తుందనే ఆ ఫొటోగ్రాఫర్లుకు ఎలా తెలుస్తుందనే అనుమానాలు చాలా మందికి వచ్చే ఉంటాయి. అయితే, పాపరాజి కల్చర్ అనేది వట్టిదేనని.. పలువురు సెలబ్రిటీలు డబ్బులు ఇచ్చి ఫొటోలు, వీడియోలు తీయిస్తుంటారని.. ఇది పీఆర్‌ స్ట్రాటజీలో భాగమేనని ఆరోపణలున్నాయి. సెలబ్రిటీలే సమాచారం అందించి.. పనయ్యాక డబ్బులు ఇస్తారని విమర్శలున్నాయి. ఈ కల్చర్‌కు సంబంధించి ఓ హీరోయిన్‌ సైతం సంచలన విషయాలు బయటపెట్టింది.
View this post on Instagram
View this post on Instagram
