అలా కుదిరింది అంతే!

శ్రీలీల కెరీర్‌ గ్రాఫ్‌ చూస్తే ఎవరికైనా కళ్లు బైర్లుకమ్మాల్సిందే. ఆ లైనప్‌ అలాఉంది మరి. ఓ వైపు బాలకృష్ణతో ‘భగవంత్‌ కేసరి’ చేస్తున్నది. అందులో బాలయ్య, శ్రీలీల బాబాయ్‌, కూతుర్లుగా నటిస్తున్న సంగతి తెలిసిందే. ఈ సినిమా అక్టోబర్‌ 19న విడుదల కానుంది.

శ్రీలీల కెరీర్‌ గ్రాఫ్‌ చూస్తే ఎవరికైనా కళ్లు బైర్లుకమ్మాల్సిందే. ఆ లైనప్‌ అలాఉంది మరి. ఓ వైపు బాలకృష్ణతో ‘భగవంత్‌ కేసరి’ చేస్తున్నది. అందులో బాలయ్య, శ్రీలీల బాబాయ్‌, కూతుర్లుగా నటిస్తున్న సంగతి తెలిసిందే. ఈ సినిమా అక్టోబర్‌ 19న విడుదల కానుంది. అలాగే రామ్‌ పోతినేనితో చేసిన ‘స్కంద’ అయితే వచ్చేవారం వచ్చేస్తున్నది.

అంతేనా..‘ఉస్తాద్‌ భగత్‌సింగ్‌’లో పవన్‌కల్యాణ్‌కూ, ‘గుంటూరుకారం’లో మహేశ్‌బాబుకూ ఈ ముద్దుగుమ్మే జోడీ. యువహీరోలు నితిన్‌, విజయ్‌ దేవరకొండ, నవీన్‌ పొలిశెట్టి, వైష్ణవ్‌ తేజ్‌ చేస్తున్న సినిమాల్లోనూ ఈ అమ్మాయే కథానాయిక. వస్తున్న ఏ అవకాశాన్నీ వదిలేలాలేదు ఈ అందాలభామ. ఈ విషయాన్ని ఆమెతో ప్రస్తావిస్తే ‘అలా కుదురింది అంతే.’ అంటూ క్యూట్‌గా సమాధానమిచ్చేశారు శ్రీలీల. ఇంకా మాట్లాడుతూ ‘టైమ్‌ బావుంటే అన్నీ అలా కలిసొస్తుంటాయి. అదృష్టం కొద్దీ నా దగ్గరకొచ్చినవన్నీ మంచి కథలే. అన్నీ మంచిపేరు తెచ్చే సినిమాలే. అందుకే ఓకే చెప్పాను. అంతేతప్ప డబ్బులకోసం కాదు’ అంటూ చెప్పుకొచ్చింది శ్రీలీల.