సాంకేతికత ఏ స్థాయికి చేరిందంటే.. హీరోలు లేకుండానే హీరోలకు సంబంధించిన సీన్స్ తీస్తున్నారు. ఒకట్రెండు సీన్స్ కాదు.. ఏకంగా షెడ్యూల్సే చేస్తున్నారు. ప్రస్తుతం యష్రాజ్ ఫిల్మ్స్ నిర్మిస్తున్న సినిమా ‘వార్-2’. ఇందులో హృతిక్రోషన్, ఎన్టీయార్ కలిసి నటిస్తున్న విషయం తెలిసిందే. ఇటీవలే హృతిక్ షూటింగ్లో అడుగుపెట్టారు. షూటింగ్ మొత్తం స్టూడియోలోనే గ్రీన్మ్యాట్లో తీస్తున్నారు దర్శకుడు అయాన్ ముఖర్జీ.
ఏప్రిల్ నుంచి మే చివరి వరకు తారక్పై సన్నివేశాల చిత్రీకరణ ఉంటుంది. విశేషమేంటంటే.. ఈ సినిమాకు సంబంధించిన రెండు భారీ ఓవర్సీస్ షెడ్యూళ్లను లీడ్ యాక్టర్స్ లేకుండానే బాడీ డబుల్స్తో ఇప్పటికే పూర్తి చేశారట దర్శకుడు అయాన్ ముఖర్జీ. బాడీ డబుల్స్తో చిత్రీకరించిన ఆ సన్నివేశాలకు అధునాతన వీఎఫ్ఎక్స్ సాంకేతికతను ఉపయోగించి ముఖాలను మార్చేయడం జరుగుతుందని యూనిట్ వర్గాల సమాచారం. పెద్దగా హీరోలకు శ్రమ నివ్వకుండా, వారి బ్రాండ్ ఇమేజ్ని మాత్రమే వాడుకుంటూ టెక్నాలజీతో సినిమాను పూర్తి చేయడం ఇక్కడ ఆసక్తికరమైన విషయం. యష్రాజ్ ఫిల్మ్స్ వారు కేవలం వీఎఫ్ఎక్స్ వర్క్ కోసమే 8 నెలలు సమయం కేటాయించినట్టు విశ్వసనీయ సమాచారం.