భయపెడుతూ థ్రిల్‌ను పంచుతుంది

‘నా ఫేవరేట్‌ హీరో నాని. ‘గూఢచారి’ ‘ఎవరు’ సినిమాల ట్రైలర్స్‌ను ఆయనే లాంచ్‌ చేశారు. ఆయన నిర్మాణంలో సినిమా చేయడం ఆనందంగా ఉంది.

‘నా ఫేవరేట్‌ హీరో నాని. ‘గూఢచారి’ ‘ఎవరు’ సినిమాల ట్రైలర్స్‌ను ఆయనే లాంచ్‌ చేశారు. ఆయన నిర్మాణంలో సినిమా చేయడం ఆనందంగా ఉంది. ‘హిట్‌’ తొలిభాగం ప్రశ్నల్ని సంధిస్తూ థ్రిల్‌ చేస్తే, ఈ రెండో భాగం భయపెడుతూ థ్రిల్‌ను పంచుతుంది. దర్శకుడు నన్ను కొత్తగా ప్రజెంట్‌ చేశాడు’ అన్నారు అడివి శేష్‌. ఆయన కథానాయకుడిగా నటిస్తున్న క్రైమ్‌ ఇన్వెస్టిగేటివ్‌ థ్రిల్లర్‌ ‘హిట్‌-2’. ‘ది సెకండ్‌ కేస్‌’ ఉపశీర్షిక. శైలేష్‌ కొలను దర్శకుడు. డిసెంబర్‌ 2న విడుదలకానుంది. గురువారం టీజర్‌ను విడుదల చేశారు. ఈ సందర్భంగా దర్శకుడు మాట్లాడుతూ ‘అడివి శేష్‌ అంకితభావంతో పనిచేస్తాడు.

ఈ సినిమాలో ఆయన పర్‌ఫార్మెన్స్‌ ప్రతి ఒక్కరిని ఆకట్టుకుంటుంది. ‘హిట్‌’ సినిమాకు వచ్చిన రెస్పాన్స్‌ చూసి చాలా ఆశ్చర్యమేసింది. ఆ సినిమా ఇచ్చిన స్ఫూర్తితో మరింత పట్టుదలగా రెండో భాగాన్ని తెరకెక్కించాం’ అని దర్శకుడు తెలిపారు. కొత్త పంథాలో తెరకెక్కించిన క్రైమ్‌ థ్రిల్లర్‌ ఇదని నిర్మాత ప్రశాంతి త్రిపిరనేని పేర్కొంది. కథానాయిక మీనాక్షి చౌదరి మాట్లాడుతూ ‘తెలుగులో నాకిది మూడో చిత్రం. మంచి టీమ్‌తో పనిచేయడం ఆనందంగా ఉంది’ అని చెప్పింది.