కేరళలో నాని సినిమా

చక్కని కథలను, మంచి పాత్రలను ఎంచుకుంటూ ప్రతీ సినిమాకు గ్రాఫ్‌ని పెంచుకుంటూ ముందుకు పోతున్నారు నాని.

చక్కని కథలను, మంచి పాత్రలను ఎంచుకుంటూ ప్రతీ సినిమాకు గ్రాఫ్‌ని పెంచుకుంటూ ముందుకు పోతున్నారు నాని. ఆయన తాజా సినిమా పేరు ‘హాయ్‌ నాన్న’. కథ, కథనాలు భావోద్వేగపూరితంగా ఉంటాయని ఈ టైటిల్‌ చెప్పకనే చెబుతున్నది. శౌర్యువ్‌ దర్శకునిగా పరిచయమవుతున్న ఈ సినిమాను మోహన్‌ చెరుకూరి, డాక్టర్‌ విజయేందర్‌ రెడ్డి తీగల ప్రతిష్టాత్మకంగా నిర్మిస్తున్నారు.. మృణాల్‌ ఠాకూర్‌ కథానాయిక. నాని కూతురిగా బేబీ కియారా ఖన్నా నటిస్తున్నది. కేరళలోని కూనూర్‌ పచ్చని అందాల నడుమ ఈ సినిమా నూతన షెడ్యూల్‌ మొదలైంది. సినిమా ప్రమోషన్స్‌లో భాగంగా మ్యూజికల్‌ ఫెస్ట్‌ త్వరలో ప్రారంభం కానుంది. డిసెంబర్‌ 21న పాన్‌ ఇండియా స్థాయిలో సినిమాను విడుదల చేయనున్నారు. ఈ సినిమాకు కెమెరా: సాను జాన్‌ వర్గీస్‌, సంగీతం: హేషమ్‌ అబ్దుల్‌ వహాబ్‌, నిర్మాణం: వైరా ఎంటర్‌టైన్‌మెంట్స్‌.