28 ఏండ్ల కిందట మొహ్రా సినిమాలో ‘తూ చీజ్ బడీ హైఁ మస్త్ మస్త్..’ పాటతో యావత్ భారతాన్నీ మస్తీ చేసిన నటి రవీనా టాండన్. సుమారు దశాబ్ద కాలంపాటు టాప్ హీరోయిన్గా అలరించింది. ఈ కథానాయిక గారాలపట్టి 17 ఏండ్ల రాశా థడానీ ఇప్పుడు తెరంగేట్రానికి సిద్ధంగా ఉంది. ఇప్పటికే సామాజిక మాధ్యమాల్లో రాశా చిత్తరువులు రచ్చరచ్చ చేస్తున్నాయి. తాజాగా అజయ్ దేవ్గణ్ మేనల్లుడు అమన్ హీరోగా నిర్మించనున్న సినిమాలో హీరోయిన్గా రాశా అవకాశం కొట్టేసినట్టు బీటౌన్లో పుకార్లు షికారు చేస్తున్నాయి. మరిన్ని బడా నిర్మాణ సంస్థలు రాశా కోసం రవీనాను సంప్రదిస్తున్నాయట. అయితే ఈ వార్తలపై రవీనా దంపతులు ఇప్పటివరకైతే స్పందించలేదు. కానీ, తను ఇండస్ట్రీలో అడుగుపెట్టడానికి ఇంకా సమయం ఉందంటున్నారు.