‘కొత్త ప్రతిభను ప్రోత్సహిస్తూ వినూత్న కథాంశాలతో సినిమాలు తీయాలనే లక్ష్యంతో ‘వాల్పోస్టర్’ సినిమా బ్యానర్ మొదలుపెట్టా. అయితే ఈ ప్రొడక్షన్ హౌస్ ఆరంభించిన కొత్తలో కొందరు నన్ను భయపెట్టారు. ఇలాంటి కాన్సెప్ట్లతో తీసే సినిమాలు ఎవరు చూస్తారు? ఇవన్నీ వర్కవుట్ కావని చెప్పేవారు. అయితే కథల విషయంలో తెలుగు ప్రేక్షకుల జడ్జిమెంట్పై నమ్మకంతో ముందుకెళ్లా’ అని చెప్పారు హీరో నాని. ఆయన సమర్పకుడిగా వాల్పోస్టర్ సినిమా పతాకంపై ప్రశాంతి తిపిర్నేని నిర్మించిన ‘హిట్-2’ చిత్రం ఇటీవలే ప్రేక్షకుల ముందుకొచ్చింది.
అడివి శేష్ కథానాయకుడిగా నటించిన ఈ చిత్రానికి శైలేష్ కొలను దర్శకత్వం వహించారు. ఆదివారం ఏర్పాటు చేసిన సక్సెస్మీట్లో నాని మాట్లాడుతూ ‘చక్కటి కథాబలం ఉన్న చిత్రాల్ని తీస్తే తెలుగు ప్రేక్షకులు ఆదరిస్తారని ఈ సినిమా నిరూపించింది. ఇదే ఉత్సాహంతో మరిన్ని మంచి చిత్రాల్ని అందించే ప్రయత్నాలు చేస్తా’ అన్నారు. సినిమాకు విడుదలైన అన్ని కేంద్రాల్లో మంచి స్పందన లభిస్తున్నదని హీరో అడివి శేష్, దర్శకులు శైలేష్ కొలను ఆనందం వ్యక్తం చేశారు. ఈ కార్యక్రమంలో చిత్ర యూనిట్ సభ్యులందరూ పాల్గొన్నారు.