Visit:
అగ్ర దర్శకుడు హరీశ్శంకర్ ఎక్స్ ఖాతాలో చేసిన ఒక రీ ట్వీట్ ఆయన్ని ఇబ్బందుల్లోకి నెట్టింది. హరీశ్శంకర్ దర్శకత్వంలో పవన్కల్యాణ్ కథానాయకుడిగా నటించిన ‘ఉస్తాద్ భగత్సింగ్’ చిత్రం ఈ నెల 19న రిలీజ్కానుంది. ఈ నేపథ్యంలో ఓ అభిమాని “ఉస్తాద్ భగత్సింగ్’తో మహేష్బాబు రికార్డులన్నీ చెరిగిపోవాలి’ అనే అర్థంలో ట్వీట్ చేశారు. దీనికి ‘తథాస్తు’ అంటూ రీ ట్వీట్ చేశారు హరీశ్శంకర్. ఇది సోషల్మీడియాలో వైరల్గా మారింది.
దీనిపై మహేష్బాబు ఫ్యాన్స్ ఆగ్రహం వ్యక్తం చేశారు. ఈ నేపథ్యంలో హరీశ్శంకర్ బుధవారం ఓ ప్రెస్నోట్ ద్వారా క్షమాపణలు తెలియజేశారు. పని ఒత్తిడిలో ఉన్నందువల్ల ట్వీట్ను పూర్తిగా చదవకుండానే పొరపాటున రిైప్లె ఇచ్చానని, తన టీమ్ అప్రమత్తమై దానిని వెంటనే తొలగించిందని వివరణ ఇచ్చారు. మహేష్బాబు అంటే తనకు ఎంతో గౌరవం ఉందని, అనుకోకుండా జరిగిన పొరపాటు వల్ల ఎవరికైనా ఇబ్బంది కలిగితే మనస్ఫూర్తిగా క్షమాపణలు కోరుతున్నానని, ‘ఉస్తాద్ భగత్సింగ్’ చిత్రాన్ని అందరూ ఆదరించాలని హరీశ్శంకర్ విజ్ఞప్తి చేశారు.
