షీ ఈజ్‌ మై బుజ్జి బ్యూటీ..

మల్టీ టాలెంటెడ్‌ జీవీ ప్రకాశ్‌కుమార్‌, కయదు లోహర్‌ జంటగా నటిస్తున్న డార్క్‌ ఫాంటసీ సూపర్‌ నాచురల్‌ థ్రిల్లర్‌ ‘ఇమ్మోర్టల్‌'. మరియప్పన్‌ చిన్న దర్శకుడు. అరుణ్‌కుమార్‌ ధనశేఖరన్‌ నిర్మాత.

మల్టీ టాలెంటెడ్‌ జీవీ ప్రకాశ్‌కుమార్‌, కయదు లోహర్‌ జంటగా నటిస్తున్న డార్క్‌ ఫాంటసీ సూపర్‌ నాచురల్‌ థ్రిల్లర్‌ ‘ఇమ్మోర్టల్‌’. మరియప్పన్‌ చిన్న దర్శకుడు. అరుణ్‌కుమార్‌ ధనశేఖరన్‌ నిర్మాత. ప్రస్తుతం ఈ సినిమా నిర్మాణ దశలో ఉన్నది. ఇప్పటికే విడుదల చేసిన పాటకు మంచి స్పందన వస్తున్నదని మేకర్స్‌ ఆనందం వెలిబుచ్చారు. తాజాగా ఈ సినిమా నుంచి రెండో పాటను మంగళవారం విడుదల చేశారు. ‘షీ ఈజ్‌ మై లవ్లీ ప్రెట్టీ.. షీ ఈజ్‌ మై బుజ్జి బ్యూటీ.. షీ ఈజ్‌ మై హాటీ స్వీటీ..’ అంటూ ఆధునిక ధోరణిలో సాగే ఈ పాటను రాజశ్రీ సుధాకర్‌ రాయగా, సామ్‌ పీఎస్‌ స్వరపరిచారు.

అరవింద్‌ శ్రీనివాస్‌ ఆలపించారు. ఈ పాటలో జీవీ ప్రకాశ్‌కుమార్‌, కయదు లోహర్‌ల మధ్య కెమిస్ట్రీ ఆసక్తికరంగా ఉంది. యువతరం సంగీత ప్రియులను ఆకట్టుకునేలా ఈ పాటను చిత్రీకరించారని తెలుస్తున్నది. టీఎం కార్తీక్‌, కుమార్‌ నటరాజన్‌, ఆదిత్య కతిర్‌, అర్షు మహర్జన్‌, సునీతా శ్రేష్ఠ ఇతర పాత్రలు పోషిస్తున్న ఈ చిత్రానికి కెమెరా: అరుణ్‌ రాధాకృష్ణన్‌, నిర్మాణం: ఏకే ఫిల్మ్‌ ఫ్యాక్టరీ.