Mohan Babu | తాతకే షాక్ ఇచ్చిన మనవడు.. మోహన్‌బాబును ఆటపట్టించిన చిన్నారి అవ్రామ్!

MohanBabu | వెండితెరపై క్రమశిక్షణకు, గంభీరమైన వ్యక్తిత్వానికి మారుపేరుగా నిలిచే 'కలెక్షన్ కింగ్' మంచు మోహన్‌బాబును ఆట‌పట్టించాడు అత‌డి మ‌న‌వ‌డు అవ్రామ్.

Mohan Babu | వెండితెరపై క్రమశిక్షణకు, గంభీరమైన వ్యక్తిత్వానికి మారుపేరుగా నిలిచే ‘కలెక్షన్ కింగ్’ మంచు మోహన్‌బాబును ఆట‌పట్టించాడు అత‌డి మ‌న‌వ‌డు అవ్రామ్. మంచు విష్ణు కుమారుడు, మోహన్‌బాబు మనవడు అయిన అవ్రామ్ భక్త మంచు తన తాతయ్యను ఆటపట్టించిన తీరు ప్రస్తుతం సోషల్ మీడియాలో తెగ వైరల్ అవుతోంది.

సాధారణంగా మోహన్‌బాబు గొంతు సవరించారంటేనే అందరూ ఎంతో వినయంగా, నిశ్శబ్దంగా ఉంటారు. కానీ, ఈ వీడియోలో మాత్రం సీన్ రివర్స్ అయింది. అవ్రామ్ అల్లరి చేస్తున్న సమయంలో మోహన్‌బాబు నెమ్మదిగా సైలెంట్‌గా ఉండాలని వారించినా, ఆ చిన్నారి అస్సలు తగ్గలేదు. పైగా తాతయ్యనే అనుకరిస్తూ ఎంతో ముద్దుగా ‘ఏంటీ బాబూ..’ అంటూ ఎదురు ప్రశ్నించి నవ్వులు పూయించాడు. చివరకు తన అల్లరితో తాతయ్యను మురిపించి, ఎంతో స్టైల్‌గా ‘బై బాబూ’ అంటూ అక్కడి నుండి వెళ్ళిపోయాడు. ఎంతటి కఠినమైన క్రమశిక్షణ గల వారైనా మనవడి అల్లరి ముందు మెత్తబడాల్సిందేనని ఈ వీడియో నిరూపిస్తోంది. తన మనవడి మాటలకు మోహన్‌బాబు ముసిముసి నవ్వులు చిందిస్తూ ఉండిపోవడం నెటిజన్లను విశేషంగా ఆకట్టుకుంటోంది. ఈ క్యూట్ వీడియో చూసిన అభిమానులు తాతకు తగ్గ మనవడు, డైలాగ్ కింగ్ ముందే డైలాగులు కొడుతున్నాడుగా అంటూ కామెంట్లతో సోషల్ మీడియాను హోరెత్తిస్తున్నారు.