Sarke Chunari | ‘సర్కే చునరి’ పాటపై కేంద్రం నిషేధం.. స్వేచ్ఛకు నైతికత హద్దులు ఉండాలన్న అశ్విన్ వైష్ణవ్

Ashwini Vaishnaw | బాలీవుడ్ సినీ నటులు నోరా ఫతేహి, సంజయ్ దత్ నటించిన 'సర్కే చునరి' పాటపై కేంద్ర ప్రభుత్వం నిషేధం విధించింది.

KD The Devil | బాలీవుడ్ సినీ నటులు నోరా ఫతేహి, సంజయ్ దత్ నటించిన ‘సర్కే చునరి’ పాటపై కేంద్ర ప్రభుత్వం నిషేధం విధించింది. ఈ పాటలోని సాహిత్యం మరియు దృశ్యాలు అసభ్యకరంగా ఉన్నాయన్న విమర్శల నేపథ్యంలో కేంద్ర సమాచార, ప్రసార శాఖ మంత్రి అశ్విని వైష్ణవ్ లోక్‌సభలో ఈ నిర్ణయాన్ని ధృవీకరించారు. సమాజ్ వాదీ పార్టీ ఎంపీ ఆనంద్ భదౌరియా అడిగిన ప్రశ్నకు సమాధానమిస్తూ, రాజ్యాంగంలోని ఆర్టికల్ 19(2) ప్రకారం భావప్రకటనా స్వేచ్ఛ అనేది సంపూర్ణమైనది కాదని, అది సమాజం, సంస్కృతి, నైతికతకు లోబడి ఉండాలని స్పష్టం చేశారు. ముఖ్యంగా డిజిటల్ మాధ్యమాల్లో సమాచారం వేగంగా వ్యాపిస్తున్న తరుణంలో మహిళలు, పిల్లలు మరియు వెనుకబడిన వర్గాల రక్షణ కోసం ప్రభుత్వం కఠిన చర్యలు తీసుకోవడానికి సిద్ధంగా ఉందని ఆయన పేర్కొన్నారు.

‘కేడీ: ది డెవిల్’ చిత్రంలోని ఈ పాట విడుదలైనప్పటి నుంచి హర్యానా, కర్ణాటక మహిళా కమిషన్లతో పాటు నటులు రవి కిషన్, కంగనా రనౌత్, గాయకుడు అర్మాన్ మాలిక్ వంటి ప్రముఖులు దీనిపై అభ్యంతరం వ్యక్తం చేశారు. మహిళలను కించపరిచేలా, అశ్లీలతను ప్రోత్సహించేలా ఉన్న ఈ పాటను వెంటనే తొలగించాలని డిమాండ్లు రావడంతో ప్రభుత్వం ఈ నిర్ణయం తీసుకుంది. ధ్రువ సర్జా కథానాయకుడిగా, ప్రేమ్ దర్శకత్వంలో 1970ల బెంగళూరు నేపథ్యంలో రూపొందుతున్న ఈ చిత్రం ఏప్రిల్ 30, 2026న విడుదల కానుంది. అయితే, సినిమా విడుదలకు ముందే ఈ పాట చుట్టూ చెలరేగిన వివాదం జాతీయ స్థాయిలో చర్చకు దారితీసింది.