ఆశ్చర్యపరిచే క్యారెక్టర్‌లో!

‘ఎఫ్‌ 3’ సినిమాలో నా పాత్ర ఆశ్చర్యపరిచేలా ఉంటుంది అని చెబుతున్నది నాయిక సోనాల్‌ చౌహాన్‌. వెంకటేష్‌, వరుణ్‌ తేజ్‌ హీరోలుగా నటిస్తున్న ఈ సినిమాలో తనకు ప్రాధాన్యత ఉన్న క్యారెక్టర్‌ దక్కిందని ఆమె అంటున్నది

‘ఎఫ్‌ 3’ సినిమాలో నా పాత్ర ఆశ్చర్యపరిచేలా ఉంటుంది అని చెబుతున్నది నాయిక సోనాల్‌ చౌహాన్‌. వెంకటేష్‌, వరుణ్‌ తేజ్‌ హీరోలుగా నటిస్తున్న ఈ సినిమాలో తనకు ప్రాధాన్యత ఉన్న క్యారెక్టర్‌ దక్కిందని ఆమె అంటున్నది. దిల్‌ రాజు సమర్పణలో శ్రీవెంకటేశ్వర క్రియేషన్స్‌ పతాకంపై శిరీష్‌ నిర్మిస్తున్న ఈ చిత్రానికి అనిల్‌ రావిపూడి దర్శకత్వం వహిస్తున్నారు. మెహరీన్‌, తమన్నా నాయికలు. ఈ సినిమా ఈ నెల 27న విడుదలకు సిద్ధమవుతున్నది.

ఈ సందర్భంగా సినిమాలో నటించిన అనుభవాలను తెలిపింది నాయిక సోనాల్‌ చౌహాన్‌. ఆమె మాట్లాడుతూ…‘లెజెండ్‌ సినిమాలో నేను నటిస్తున్నప్పటి నుంచి దర్శకుడు అనిల్‌ రావిపూడితో పరిచయం. కామెడీ ఎంటర్‌టైనర్స్‌ రూపొందించే ఆయన సినిమాలో నటించాలని ఉండేది. ఈ సినిమాలో ఒక కీలక పాత్రకు దర్శకుడు నాకు ఆఫర్‌ చేశారు. నా పాత్ర ఆశ్చర్యపరిచేలా ఉంటుంది కాబట్టి ట్రైలర్‌లో కూడా దాన్ని అలాగే రహస్యంగా ఉంచాం. ఒక మంచి మలుపుతో నా పాత్ర ప్రేక్షకులను ఆకట్టుకుంటుంది. ఈ సినిమా కావాల్సినంత వినోదాన్ని అందిస్తుంది. వెంకటేష్‌, వరుణ్‌ తేజ్‌, తమన్నా, మెహరీన్‌ లతో నటించడాన్ని ఎంజాయ్‌ చేశాను’ అని చెప్పింది.