The Black Gold | గెట్ రెడీ అంటోన్న భీమ్లా నాయ‌క్ భామ‌.. ది బ్లాక్ గోల్డ్ న‌యా వీడియో చూశారా..?

The Black Gold | ప్ర‌యాణికులెవ‌రూ లేని రైల్వే ప్లాట్ ఫాంపై సంయుక్తా మీన‌న్ రౌడీ మూక‌లను ఊచ‌కోత కోసినట్టు క‌నిపిస్తున్న ది బ్లాక్ గోల్డ్ (The Black Gold)  పోస్ట‌ర్ నెట్టింట వైర‌ల్ అవుతోంది. తాజాగా మేకర్స్  ఫైన‌ల్ అప్డేట్ అందించారు.

The Black Gold | భీమ్లా నాయక్, సార్, బింబిసార‌తోపాటు ప‌లు సినిమాల‌తో తెలుగులో మంచి ఫ్యాన్ ఫాలోయింగ్ సంపాదించుకుంది మ‌ల‌యాళ బ్యూటీ సంయుక్తా మీన‌న్. ఈ భామ‌ తొలిసారి హీరోయిన్ సెంట్రిక్ సినిమాతో ఎంట‌ర్‌టైన్ చేసేందుకు రాబోతుంది. యోగేశ్ కేఎంసీ డైరెక్ట్ చేస్తున్న ఈ చిత్రానికి ఇప్ప‌టికే ది బ్లాక్ గోల్డ్ (The Black Gold)  టైటిల్‌ను ఫిక్స్ చేసిన‌ట్టు తెలియ‌జేస్తూ లుక్ కూడా విడుద‌ల చేయ‌గా నెట్టింట క్యూరియాసిటీ పెంచుతోంది.

ప్ర‌యాణికులెవ‌రూ లేని రైల్వే ప్లాట్ ఫాంపై సంయుక్తా మీన‌న్ రౌడీ మూక‌లను ఊచ‌కోత కోసినట్టు క‌నిపిస్తున్న పోస్ట‌ర్ నెట్టింట వైర‌ల్ అవుతోంది. తాజాగా మేకర్స్  ఫైన‌ల్ అప్డేట్ అందించారు. ది బ్లాక్ గోల్డ్ షూటింగ్ పూర్త‌యింది. అయితే రిలీజ్ డేట్ ఎప్పుడ‌నేది మాత్రం స‌స్పెన్స్‌లో పెట్టేశారు మేక‌ర్స్. రాబోయే ఎక్జ‌యిటింగ్ అప్‌డేట్స్ రాబోతున్నాయ‌ని ప్ర‌క‌టించారు .ఈ సినిమా న‌ల్ల‌బంగారం (బొగ్గు)చుట్టూ తిరుగుతుంద‌ని డైరెక్టర్‌ హింట్ ఇచ్చినట్టు టైటిల్ లుక్ చెప్ప‌క‌నే చెబుతోంది.

సంయుక్తామీన‌న్ స‌మ‌ర్ప‌కురాలిగా కూడా వ్య‌వ‌హ‌రిస్తున్న ఈ మూవీని హాస్య మూవీస్‌, మాగంటి పిక్చ‌ర్స్ బ్యాన‌ర్ల‌పై సంయుక్తంగా రాజేశ్ దండా నిర్మిస్తున్నారు. ఈ చిత్రానికి శ్యామ్ సీఎస్ మ్యూజిక్ అందిస్తున్నాడు. ఈ చిత్రానికి ఏ వ‌సంత్ సినిమాటోగ్ర‌ఫ‌ర్‌, చోటా కే ప్ర‌సాద్ ఎడిటింగ్ బాధ్య‌త‌లు నిర్వ‌హిస్తున్నారు.

సంయుక్తా మీన‌న్ మ‌రోవైపు నిఖిల్‌తో క‌లిసి స్వ‌యంభు సినిమాలో న‌టిస్తోంది. పూరీ జ‌గ‌న్నాథ్‌, విజ‌య్ సేతుప‌తి సినిమాతోపాటు మ‌లయాళం, త‌మిళం, హిందీలో ఒక్కో సినిమా చేస్తోంది.

 

It’s a wrap for #TheBlackGold ❤️‍🔥

Loaded with action. Packed with power 👊💥

Now… all set to explode on the big screens 🔥@iamsamyuktha_ @HasyaMovies@RajeshDanda_pic.twitter.com/xEcYZ2iDY1

— Ramesh Bala (@rameshlaus) April 27, 2026