Visit:
Garudan Trailer | ‘ఖతర్నాక్’, ‘రణం’ చిత్రాలతో తెలుగువారికి పరిచయమైన మలయాళ నటుడు బిజుమీనన్ (Biju Menon). ఇక లాక్డౌన్లో వచ్చిన ‘అయ్యప్పనుమ్ కోషియుమ్’ సినిమాతో బిజుమీనన్ ఓవర్నైట్ స్టార్గా మారిపోయాడు. ఈ సినిమాతోనే బిజు పేరు దక్షిణాదిన మారు మోగిపోయింది. ఇదే సినిమాను తెలుగులో భీమ్ల నాయక్ (Bheemla Nayak) పేరుతో రీమేక్ చేయగా మంచి విజయం సాధించింది. ఇదిలా ఉంటే బిజుమీనన్ (Biju Menon), సురేష్ గోపి (Suresh Gopi) ప్రధాన పాత్రల్లో నటిస్తున్న తాజా చిత్రం ‘గరుడన్'(Garudan). అరుణ్ వర్మ(Arun Varma) ఈ సినిమాకు దర్శకత్వం వహిస్తున్నాడు. 12 ఏళ్ల సుదీర్ఘ విరామం తర్వాత వీళ్లిద్దరూ (బిజుమీనన్, సురేష్ గోపి ) కలిసి నటిస్తుండగా.. ఇప్పటికే ఈ సినిమా నుంచి వచ్చిన ఫస్ట్ లుక్లతో పాటు, టీజర్లకు ప్రేక్షకుల నుంచి మంచి రెస్పాన్స్ వచ్చింది. ఇదిలా ఉంటే తాజాగా ఈ సినిమా ట్రైలర్ను మేకర్స్ విడుదల చేశారు.
న్యాయం కోసం పోరాడే ఓ పోలీస్ ఆఫీసర్, జైలు నుంచి విడుదలైన ఓ కాలేజీ ప్రొఫెసర్ జీవితాల ఆధారంగా ఈ సినిమా తెరకెక్కుతోందని ట్రైలర్ చూస్తే తెలుస్తోంది. ఇక ట్రైలర్లో బిజు మీనన్, సురేష్ గోపి పాత్రల మధ్య డైలాగులు కూడా ఆకట్టుకున్నాయి. ఇక ఈ సినిమాలో కేరళ ఆర్మ్డ్ పోలీస్ కమాండెంట్ పాత్రలో సురేష్ గోపి నటిస్తుండగా, కాలేజీ ప్రొఫెసర్గా బిజు మీనన్ నటిస్తున్నారు. మ్యాజిక్ ఫ్రేమ్స్ బ్యానర్పై లిస్టిన్ స్టీఫెన్ ఈ సినిమాను నిర్మిస్తుండగా.. జేక్స్ బిజోయ్ సంగీతం అందిస్తున్నాడు.
