Skanda Movie | టాక్ సంగతి పక్కన పెడితే స్కంద లాంగ్ వీకెండ్ను కుమ్మేసింది. వరుసగా ఐదు రోజులు టాక్తో సంబంధం లేకుండా కోట్లు కొల్లగొట్టింది. సోమవారం కూడా ఈ సినిమాకు కేవలం రెండు తెలుగు రాష్ట్రాల్లోనే రూ.7 కోట్ల వరకు కలెక్షన్లు సాధించడం అంటే మాములు విషయం కాదు. అది కూడా డిజాస్టర్ టాక్తో. ఇక మంగళవారం నుంచి ఈ సినిమా లెక్కలు తారుమారయ్యారు. దాదాపుగా ఈ సినిమా పని అయిపోయినట్లే. నిజానికి ఈ సినిమాకొచ్చిన టాక్కు ఎప్పుడో బిస్తరు కట్టాల్సింది. కానీ బోయపాటి మాస్ ఎలివేషన్స్, రామ్ మేకోవర్, యాక్షన్లకు బీ, సీ సెంటర్లు జనాలు వత్తాసు పలికారు.
సినిమా అంతా ఒకెత్తయితే.. థమన్ మ్యూజిక్ మరో ఎత్తు. రామ్ ప్రమోషన్లలో చెప్పినట్లుగానే థియేటర్ ఓనర్లు సౌండ్ బాక్స్లను రెనోవేట్ చేసుకునే దాకా పరిస్థితి వచ్చింది. అయితే సినిమాలో పాటలు మాత్రం పెద్దగా ప్రభావం చూపలేకపోయాయి. అయితే గందరబాయ్ పాటకు మాత్రం థియేటర్లో మాస్ రెస్పాన్స్ వచ్చింది. రామ్, శ్రీలీల ఎనర్జీస్టెప్స్కు ఆడియెన్స్ సైతం కాళ్లు కదిపారు. కాగా ప్రేక్షకులను థియేటర్కు రప్పించే ప్రయత్నంగా తాజాగా ఈ పాట వీడియో సాంగ్ను మేకర్స్ రిలీజ్ చేశారు.
అవుట్ అండ్ అవుట్ యాక్షన్ ఎంటర్టైనర్గా తెరకెక్కిన ఈ సినిమాలో రామ్కు జోడీగా శ్రీలీల హీరోయిన్గా నటించింది. ఇక ఈ సినిమా సీక్వెల్ కూడా ఉండబోతుందని బోయపాటి క్లైమాక్స్లో క్లారిటీ ఇచ్చాడు. మరీ సినిమా రిజల్ట్ చూసి.. సీక్వెల్ ఆలోచనను పక్కన పెట్టేస్తారా.. లేదంటే తీస్తారా అనేది తెలియాల్సి ఉంది.