Dulqer Salmaan | ఓటీటీలోకి వచ్చేసిన దుల్కర్ సల్మాన్ ‘ఐ యామ్ గేమ్’.. తెలుగు సహా పలు భాషల్లో స్ట్రీమింగ్!

Dulqer Salmaan | మలయాళ యువ స్టార్ హీరో దుల్కర్ సల్మాన్‌కు తెలుగు ప్రేక్షకుల్లోనూ మంచి గుర్తింపు ఉంది. ఆయన నటించిన పలు సినిమాలు తెలుగులోనూ మంచి విజయాలు అందుకోవడంతో ఇక్కడ ప్రత్యేకమైన అభిమానగణాన్ని సంపాదించుకున్నారు.

Dulqer Salmaan | మలయాళ యువ స్టార్ హీరో దుల్కర్ సల్మాన్‌కు తెలుగు ప్రేక్షకుల్లోనూ మంచి గుర్తింపు ఉంది. ఆయన నటించిన పలు సినిమాలు తెలుగులోనూ మంచి విజయాలు అందుకోవడంతో ఇక్కడ ప్రత్యేకమైన అభిమానగణాన్ని సంపాదించుకున్నారు. భాషతో సంబంధం లేకుండా విభిన్న కథలను ఎంచుకుంటూ ప్రేక్షకులను అలరిస్తున్న దుల్కర్.. తాజాగా మరో సినిమాతో ఓటీటీలోకి వచ్చేశారు. మలయాళ దర్శకుడు నహాస్ హిదాయత్ దర్శకత్వంలో ఆయన నటించిన తాజా చిత్రం ‘ఐ యామ్ గేమ్’ ఇప్పుడు డిజిటల్ ప్రేక్షకులకు అందుబాటులోకి వచ్చింది. సైకలాజికల్ థ్రిల్లర్, గ్యాంబ్లింగ్ నేపథ్యంలో తెరకెక్కిన ఈ సినిమాపై విడుదలకు ముందు మంచి అంచనాలు ఏర్పడ్డాయి.

దుల్కర్ సల్మాన్ ఇమేజ్‌కు తగ్గట్టుగా ఆసక్తికరమైన కథాంశంతో ఈ చిత్రాన్ని రూపొందించారు. పాన్ ఇండియా స్థాయిలో ప్రేక్షకుల ముందుకు తీసుకురావాలని మేకర్స్ ప్లాన్ చేశారు. అయితే థియేటర్లలో విడుదలైన తర్వాత ఈ సినిమాకు ఆశించిన స్థాయిలో స్పందన రాలేదు. కథనం, స్క్రీన్‌ప్లే విషయంలో ప్రేక్షకులను పూర్తిస్థాయిలో ఆకట్టుకోలేకపోవడంతో బాక్సాఫీస్ వద్ద నిరాశపరిచింది. దుల్కర్ నుంచి మంచి సినిమాను ఆశించిన అభిమానులకు ఈ చిత్రం కొంత నిరాశనే మిగిల్చింది. దీంతో థియేటర్లలో ఈ సినిమాను మిస్ అయిన ప్రేక్షకులు ఓటీటీ విడుదల కోసం ఎదురుచూశారు.

తాజాగా ఈ సినిమా ప్రముఖ ఓటీటీ వేదిక జియో హాట్‌స్టార్‌లో స్ట్రీమింగ్‌కు వచ్చేసింది. మలయాళంతో పాటు తెలుగు, ఇతర ప్రధాన భాషల్లోనూ అందుబాటులోకి వచ్చింది. దీంతో థియేటర్లలో చూడలేకపోయిన తెలుగు ప్రేక్షకులు ఇప్పుడు ఇంట్లోనే ఈ సినిమాను వీక్షించవచ్చు. సైకలాజికల్ థ్రిల్లర్లు, గ్యాంబ్లింగ్ నేపథ్యంలో సాగే కథలు ఇష్టపడేవారికి ఈ సినిమా ఒక ఎంపికగా నిలవనుంది. ముఖ్యంగా దుల్కర్ సల్మాన్ నటనను ఇష్టపడే అభిమానులు ఈ చిత్రాన్ని ఓటీటీలో ప్రయత్నించవచ్చు. ఈ సినిమాలో యువ నటి కయాదు లోహర్ కథానాయికగా నటించారు. జేక్స్ బిజోయ్ సంగీతం అందించారు. మరో విశేషం ఏమిటంటే.. హీరోగా నటించడమే కాకుండా దుల్కర్ సల్మాన్ ఈ సినిమాకు నిర్మాతగానూ వ్యవహరించారు.