Dream Girl-2 Trailer | నాలుగేళ్ల కిందట వచ్చిన డ్రీమ్ గర్ల్ సినిమా బాలీవుడ్ నాట నెలకొల్పిన రికార్డులు అంతా ఇంతా కాదు. కేవలం రూ. 28కోట్ల బిజినెస్ జరుపుకున్న ఈ సినిమా ఫైనల్ రన్లో రూ.150 కోట్ల నెట్ కలెక్షన్లు సాధించి ఔరా అనిపించింది. ప్రస్తుతం అదే సక్సెస్ ఫార్ములాతో ఆయుష్మాన్ డ్రీమ్ గర్ల్-2తో వస్తున్నాడు. తొలి పార్టును తెరకెక్కించిన రాజ్ శండియాలానే సెకండ్ పార్ట్కు కూడా దర్శకత్వ వహించాడు. ప్రస్తుతం ఈ సినిమా పోస్ట్ ప్రొడక్షన్ పనులు జరుపుకుంటుంది. ఇక ఇప్పటికే రిలీజైన పోస్టర్లు, టీజర్లు గట్రా సినిమాపై వీర లెవల్లో అంచనాలు క్రియేట్ చేశాయి. తాజాగా చిత్రబృందం ఈ సినిమా ట్రైలర్ను రిలీజ్ చేశారు.
తొలిపార్టులో లేడీ వాయిస్తో నవ్వించిన ఆయుష్మాన్ ఈ సారి ఏకంగా లేడీ గెటప్తోనే వచ్చాడు. అత్యవసర పరిస్థుతిల్లో లేడీ గెటప్ వేయాల్సి వస్తుంది. ఇక ఆ గెటప్ను కంటిన్యూ చేస్తూ మగాళ్లతో ఆడుకునే ఆట వేరే లెవల్లో ఉండబోతుందని ట్రైలర్తో స్పష్టమైంది. ట్రైలర్ ఫస్ట్ ఫ్రేమ్ నుంచి లాస్ట్ ఫ్రేమ్ వరకు అవుట్ అండ్ అవుట్ హిలేరియస్ రైడ్లా సాగింది. లేడీ గెటప్లో ఆయుష్మాన్ ఫర్ఫెక్ట్గా సెట్ అయ్యాడు. ముఖ్యంగా మురళిధరణ్ సినిమాటోగ్రఫి మాత్రం టాప్ నోట్చ్లో ఉంది. హితేష్ సోనిక్ బ్యాక్గ్రౌండ్ మ్యూజిక్ కూడా బాగుంది. ట్రైలర్ చూస్తుంటే ఈ సీక్వెల్లో తొలిపార్టుకు మించి ఫన్ ఉండనున్నట్లు తెలుస్తుంది.
కామెడీ డ్రామా నేపథ్యంలో తెరకెక్కుతున్న ఈ సినిమాలో ఆయుష్మాన్కు జోడీగా అనన్య పాండే హీరోయిన్గా నటిస్తుంది. బాలాజీ మోషన్ పిక్చర్స్ బ్యానర్పై ఏక్తాకపూర్, శోభా కపూర్ సంయుక్తంగా ఈ సినిమాను నిర్మించారు.