నిద్రపోతే అతను దగ్గరవుతాడు

‘చౌర్యపాఠం’ఫేం ఇంద్రరామ్‌ హీరోగా మమ్ముట్టి ‘స్ట్రీట్‌ లైట్స్‌' చిత్ర దర్శకుడైన సినిమాటోగ్రాఫర్‌ షామ్‌దత్‌ దర్శకత్వంలో ఓ యూనిక్‌ సైకలాజికల్‌ థ్రిల్లర్‌ రానుంది. ఈ చిత్రం నేరుగా తెలుగులో నిర్మితమవుతుండటం విశేషం.

‘చౌర్యపాఠం’ఫేం ఇంద్రరామ్‌ హీరోగా మమ్ముట్టి ‘స్ట్రీట్‌ లైట్స్‌’ చిత్ర దర్శకుడైన సినిమాటోగ్రాఫర్‌ షామ్‌దత్‌ దర్శకత్వంలో ఓ యూనిక్‌ సైకలాజికల్‌ థ్రిల్లర్‌ రానుంది. ఈ చిత్రం నేరుగా తెలుగులో నిర్మితమవుతుండటం విశేషం. వి డ్రీమ్స్‌ ఫిల్మ్స్‌ పతాకంపై వి.చూడామణి నిర్మిస్తున్న ఈ చిత్రానికి ‘డోంట్‌ స్లీప్‌’ అనే టైటిల్‌ని ఖరారు చేశారు. ‘The longer you sleep, the closer he gets’ అనేది ఉపశీర్షిక.

ఆదివారం ఈ సినిమా టైటిల్‌, ఫస్ట్‌లుక్‌ పోస్టర్‌ని విడుదల చేశారు. తమిళ అగ్రనటుడు విజయ్‌ సేతుపతి టైటిల్‌, ఫస్ట్‌లుక్‌ పోస్టర్లను ఆవిష్కరించి చిత్రబృందానికి శుభాకాంక్షలు అందించారు. మలయాళ చిత్రాల డెప్త్‌, తెలుగు సినిమాల భారీతనం కలగలుపుగా ఈ సినిమా ఉంటుందని మేకర్స్‌ చెబుతున్నారు. త్వరలో విడుదలకానున్న ఈ చిత్రానికి కథ, కథనం, మాటలు: సజీర్‌ బాబా, లూనా జబిన్‌, సంగీతం: గోకుల్‌ హర్షన్‌.