ఈసారి కథ మారింది!

అగ్ర హీరో రామ్‌చరణ్‌ ‘పెద్ది’ చిత్రం బాక్సాఫీస్‌ వద్ద భారీ విజయాన్ని నమోదు చేసుకుంది. దాదాపు గత ఏడాదిగా ఈ సినిమాపైనే దృష్టి పెట్టారు రామ్‌చరణ్‌. ‘పెద్ది’ హంగామా ముగియడంతో సుకుమార్‌ దర్శకత్వంలో రామ్‌చరణ్‌ చేయబోయే తదుపరి సినిమా అప్‌డేట్స్‌ కోసం అభిమానులు ఆసక్తిగా ఎదురుచూస్తున్నారు.

అగ్ర హీరో రామ్‌చరణ్‌ ‘పెద్ది’ చిత్రం బాక్సాఫీస్‌ వద్ద భారీ విజయాన్ని నమోదు చేసుకుంది. దాదాపు గత ఏడాదిగా ఈ సినిమాపైనే దృష్టి పెట్టారు రామ్‌చరణ్‌. ‘పెద్ది’ హంగామా ముగియడంతో సుకుమార్‌ దర్శకత్వంలో రామ్‌చరణ్‌ చేయబోయే తదుపరి సినిమా అప్‌డేట్స్‌ కోసం అభిమానులు ఆసక్తిగా ఎదురుచూస్తున్నారు. వీరిద్దరి కాంబినేషన్‌లో ‘రంగస్థలం’ వంటి బ్లాక్‌బస్టర్‌ హిట్‌ రావడంతో తాజా ప్రాజెక్ట్‌పై ఇప్పటికే అంచనాలు పెరిగిపోయాయి. ఈ నేపథ్యంలో ఈ సినిమా లాంచింగ్‌ డేట్‌, ఇది ఏ జోనర్‌ కథాంశమనే విషయాలపై సోషల్‌మీడియాలో జోరుగా చర్చలు జరుగుతున్నాయి.

విశ్వసనీయ సమాచారం ప్రకారం సెప్టెంబర్‌లో పూజా కార్యక్రమాలతో ఈ సినిమాను లాంఛనంగా ప్రారంభించి, నవంబర్‌ నుంచి రెగ్యులర్‌ షూటింగ్‌ మొదలుపెడతారని తెలిసింది. ఇప్పటికే ఈ సినిమా స్క్రిప్ట్‌ను దర్శకుడు సుకుమార్‌ లాక్‌ చేశారని సమాచారం. అందరూ అనుకుంటున్నట్లుగా ఇది‘రంగస్థలం’ తరహా రూరల్‌ డ్రామా కాదని, రామ్‌చరణ్‌ కోసం దర్శకుడు సుకుమార్‌ ఈసారి సరికొత్త కథను సిద్ధం చేశారని, నగర నేపథ్యంలో ైస్టెలిష్‌ యాక్షన్‌ ఎంటర్‌టైనర్‌గా ఈ చిత్రాన్ని తీర్చిదిద్దబోతున్నారని ఇన్‌సైడ్‌ టాక్‌. ఈ ప్రతిష్టాత్మక చిత్రాన్ని మైత్రీ మూవీ మేకర్స్‌, సుకుమార్‌ రైటింగ్స్‌ సంయుక్తంగా తెరకెక్కించబోతున్నాయి. ‘ఆర్‌సీ 17’ వర్కింగ్‌ టైటిల్‌తో ఈ సినిమా రూపొందనుంది.