Aparichithudu Movie | ‘అప‌రిచితుడు’ చిత్రానికి ఆ స్టార్ హీరో నో చెప్పాడా?

Aparichithudu Movie | ఇండియా గ‌ర్వించ ద‌గ్గ ద‌ర్శ‌కుల‌లో శంక‌ర్ ఒక‌రు. హీరోల‌తో సంబంధంలేకుండా కేవ‌లం పోస్ట‌ర్‌పైన ఈయ‌న పేరు క‌నబ‌డితే చాలు ప్రేక్ష‌కులు థియేట‌ర్‌ల‌కు ప‌రుగులు తీస్తుంటారు. శంక‌ర్ త‌న‌ సినిమాల్లో ఎంట‌ర్టైన‌మెంట్‌తో పాటు ఒక మంచి సోష‌ల్ మేసేజ్ కూడా ఇస్తుంటాడు. ఈయ‌న తెర‌కెక్కించిన అద్భుత‌మైన చిత్రాల్లో ‘అప‌రిచితుడు’ ఒక‌టి. నిర్ల‌క్ష్యం, లేజినెస్‌, అవినీతి , క‌ల్తీ వ‌ల‌న దేశం ఎలా అభివృద్ధి చెంద‌కుండా అలానే ఉండిపోతుందో అనే కాన్సెప్ట్‌తో శంక‌ర్ ఈ మూవీని తెర‌కెక్కించాడు. ఈ చిత్రంలో ఈయ‌న స్క్రీన్‌ప్లే గాని, టేకింగ్ గాని నెక్స్ట్ లెవ‌ల్లో ఉంటాయి. మూడు విభిన్న పాత్ర‌ల్లో విక్ర‌మ్ న‌ట‌న వ‌ర్ణ‌నాతీతం. ఒక్క మాట‌లో చెప్పాలంటే విక్ర‌మ్ తన‌ న‌ట విశ్వ‌రూపాన్ని చూపించాడు. అప్ప‌ట్లో ఈ చిత్రం క్రియేట్ చేసిన రికార్డులు అన్ని ఇన్ని కాదు. ఈ సినిమాతోనే విక్ర‌మ్‌కు తెలుగులో మంచి మార్కెట్ ఏర్ప‌డింది.

కాగా ఈ సినిమా క‌థ‌ను శంక‌ర్ మొద‌ట ర‌జినికాంత్‌కు వినిపించాడ‌ట‌. కానీ ర‌జిని ఈ క‌థ‌ను రిజెక్ట్ చేశాడ‌ట‌. దాంతో విక్ర‌మ్‌ వ‌ద్ద‌కు అప‌రిచితుడు స్క్రిప్ట్ వెళ్ళింది. విక్ర‌మ్ కెరీర్‌లోనే ఈ చిత్రం ఓ మైలురాయిలా నిలిచిపోయింది. శంక‌ర్‌కు ఉన్న క్రేజ్‌తో తెలుగులో ఈ చిత్రానికి రూ.6.7 కోట్ల థియేట్రిక‌ల్ బిజినెస్ జ‌రిగింది. అప్ప‌ట్లో ఒక డ‌బ్బింగ్ సినిమాకు ఈ స్థాయిలో ప్రీ రిలీజ్ బిజినెస్ జ‌రిగిందంటే ట్రేడ్ పండితుల సైతం ఆశ్చ‌ర్య పోయారు. ఫైన‌ల్‌గా ఈ చిత్రం రూ.13.71 కోట్ల షేర్‌ను సాధించి బ్లాక్ బ‌స్ట‌ర్ సినిమాగా రికార్డు సృష్టించింది. స‌దా హీరోయిన్ న‌టించిన ఈ చిత్రాన్ని ఆస్కార్ ర‌విచంద్ర‌న్ భారీ బడ్జెట్‌తో నిర్మించాడు. త్వ‌ర‌లో ఈ చిత్రాన్ని శంక‌ర్ బాలీవుడ్‌లో ర‌ణ్‌వీర్ సింగ్‌తో తెర‌కెక్కించ‌నున్నాడు. ఇప్ప‌టికే లాంచింగ్ కార్య‌క్ర‌మాలు పూర్తి చేస‌కున్న ఈ చిత్రం వ‌చ్చే ఏడాది సెట్స్ పైకి వెళ్ళ‌నుంది.