Visit:
‘ప్రస్తుత ట్రెండ్‌కు తగ్గట్టు ఉండే సినిమా ‘మోగ్లీ’. అయిదేళ్ల గ్యాప్‌ తర్వాత దర్శకుడిగా నేను చేస్తున్న సినిమా ఇది. అన్ని వర్గాలనూ ఆకట్టుకునేలా సినిమా ఉంటుంది. ఈ సినిమాలో ఆడియన్స్‌కి అద్భుతమైన ఎక్స్‌పీరియన్స్‌ని ఇచ్చే ఓ ట్విస్ట్‌ కూడా ఉంది. చివరికి ఓ బలమైన ఫిలాసఫీని చూపిస్తాం.’ అని దర్శకుడు సందీప్‌రాజ్‌ అన్నారు. ఆయన దర్శకత్వంలో రోషన్‌ కనకాల కథానాయకుడిగా రూపొందిన చిత్రం ‘మోగ్లీ 2025’. సాక్షి మడోల్కర్‌ కథానాయిక. టీజీ విశ్వప్రసాద్‌, కృతిప్రసాద్‌ నిర్మాతలు. డిసెంబర్‌ 12న సినిమా విడుదల కానుంది.
ఈ సందర్భంగా శనివారం దర్శకుడు సందీప్‌రాజ్‌ హైదరాబాద్‌లో విలేకరులతో ముచ్చటించారు. ఇంకా చెబుతూ ‘ఇందులో హీరోహీరోయిన్ల పాత్రలు అందరూ కనెక్టయ్యేలా ఉంటాయి. ముఖ్యంగా ఇందులో హీరోయిన్‌ పాత్ర డఫ్‌ అండ్‌ డమ్‌. ఈ తరహా పాత్రను పోషించడం తేలికైన విషయం కాదు. ప్రేమకు భాష లేదనే విషయాన్ని చెప్పేందుకే ఆ పాత్రను అలా డిజైన్‌ చేశాను. సాక్షి ఆ పాత్రను అద్భుతంగా పోషించింది. ఇక రోషన్‌ పాత్రలో విభిన్నమైన షేడ్స్‌ ఉంటాయి. ఓ వైపు అమాయకుడిగా, మరోవైపు స్ట్రాంగ్‌గా కనిపిస్తాడు.
అద్భుతంగా నటించాడు. ప్రథమార్ధం అంతా ఫన్నీగా, ఆద్యంతం నవ్వించేలా సినిమా ఉంటుంది.’ అని తెలిపారు సందీప్‌రాజ్‌. బండి సరోజ్‌ ఇందులో విలన్‌గా నటించారని, ఆయన పాత్ర కొత్తగా ఉంటుందని, అంతా షాక్‌ అవుతారని, ఈ సినిమాకు అద్భుతమైన టీమ్‌ సెట్‌ అయ్యిందని సందీప్‌రాజ్‌ పేర్కొన్నారు. సాంకేతికంగా అన్ని విధాలా సినిమా బావుంటుందని, నిర్మాతలు ఏ విషయంలోనూ రాజీ పడలేదని, వచ్చే నెల 12న రానున్న మోగ్లీ అందరికీ నచ్చుతుందని సందీప్‌రాజ్‌ నమ్మకం వెలిబుచ్చారు.
