Dhanush-Venky Atluri’s ‘Sir’ Movie Latest Updates | తమిళ హీరో ధనుష్ తెలుగు ప్రేక్షకులకు సుపరిచితమే. ఈయన నటించిన సినిమాలు తెలుగు డబ్బింగ్లో అడపా దడపాగా విడుదలవుతూ ఉండేవి. అయితే ‘రఘువరన్ B-Tech’ ధనుష్కు టాలీవుడ్లో మంచి గుర్తింపు తీసుకొచ్చింది. ఇక చిత్రం తర్వాత ఈయన నటించిన సినిమాలన్ని తమిళంతో పాటు తెలుగులోనూ ఏకకాలంలో విడుదలవుతున్నాయి. ప్రస్తుతం ధనుష్ ఐదు సినిమాలను లైన్లో పెట్టాడు. అందులో ‘సర్’ సినిమా ఒకటి. ద్విభాష చిత్రంగా తెరకెక్కుతున్న ఈ సినిమాను ‘రంగ్దే’ ఫేం వెంకీ అట్లూరి దర్శకత్వం వహిస్తున్నాడు. ప్రస్తుతం శరవేగంగా షూటింగ్ జరుపుకుంటున్న ఈ చిత్రం నుండి మేకర్స్ రెండు బిగ్ అప్డేట్లను ప్రకటించారు.
ఈ చిత్రంలోని ధనుష్ ఫస్ట్లుక్ను జూలై 27న.. టీజర్ను జూలై 28న విడుదల చేయనున్నట్లు సోషల్ మీడియాలో పోస్టర్ను విడుదల చేశారు. ఇలా రెండు అప్డేట్లు ఒక రోజు వ్యవధిలోనే రావడంతో ధనుష్ అభిమానులు ఖుషి అవుతున్నారు. యాక్షన్ డ్రామా నేపథ్యంలో తెరకెక్కుతున్న ఈ సినిమాలో ధనుష్కు జోడీగా సంయుక్త మీనన్ హీరోయిన్గా నటిస్తుంది. జీవి. ప్రకాష్ కుమార్ సంగీతం అందిస్తున్న ఈ చిత్రాన్ని సితార ఎంటర్టైనమెంట్స్, ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. ప్రస్తుతం ధనుష్ నటించిన ‘తిరుచిత్రంబలం’, ‘నానే వరువన్’ విడుదలకు సిద్ధంగా ఉన్నాయి. ఇక ఈయన నటించిన హాలీవుడ్ చిత్రం ‘ది గ్రే మ్యాన్’ నెట్ఫ్లిక్స్లో స్ట్రీమింగ్ అవుతుంది.
#Vaathi #Sir pic.twitter.com/UzrDY0Nkmx
— Dhanush (@dhanushkraja) July 25, 2022