Visit:
Devaki Nandana Vasudeva | టాలీవుడ్ స్టార్ హీరో మహేశ్ బాబు మేనల్లుడు అశోక్‌ గల్లా (Ashok Galla) ప్ర‌ధాన పాత్ర‌లో న‌టిస్తున్న తాజా చిత్రం దేవకీ నందన వాసుదేవ (Devaki Nandana Vasudeva). జాంబిరెడ్డి, హ‌నుమాన్ చిత్రాల ఫేమ్ ప్ర‌శాంత్ వర్మ (Prashanth Verma) ఈ చిత్రానికి కథనందిస్తుండ‌గా.. గుణ 369 ఫేం అర్జున్ జంధ్యాల (Arjun Jandyala) దర్శకత్వం వహిస్తున్నాడు. ఈ సినిమాలో అశోక్‌ గల్లా సరసన హీరోయిన్‌గా మాజీ మిస్‌ ఇండియా (2020) మానస వారణాసి (Manasa Varanasi) న‌టిస్తుంది. ఇప్ప‌టికే మూవీ నుంచి టీజ‌ర్‌తో పాటు ఫ‌స్ట్ సింగిల్ విడుద‌ల చేయ‌గా.. మంచి రెస్పాన్స్ ద‌క్కించుకుంది. ఇదిలావుంటే తాజాగా ఈ మూవీ షూటింగ్ కంప్లీట్ చేసుకున్న‌ట్లు మేక‌ర్స్ ప్ర‌క‌టించారు. ఈ సంద‌ర్భంగా కొత్త పోస్ట‌ర్‌ను విడుద‌ల చేశారు. ఇక త్వ‌ర‌లోనే ఈ చిత్ర విడుద‌ల తేదీని అనౌన్స్ చేయ‌నున్న‌ట్లు చిత్ర‌యూనిట్ ప్ర‌క‌టించారు.
నల్లపనేని యామిని సమర్పణలో లలితాంబికా ప్రొడక్షన్స్ బ్యానర్‌పై సోమినేని బాలకృష్ణ (ఎన్‌ఆర్‌ఐ) ఈ మూవీని తెరకెక్కిస్తున్నారు. ఈ సినిమాకు సాయి మాధవ్‌ బుర్రా సంభాషణలు అందిస్తుండగా.. భీమ్స్ సిసిరోలియో మ్యూజిక్, బ్యాక్‌ గ్రౌండ్‌ స్కోర్‌ అందిస్తున్నాడు. ఈ చిత్రానికి ప్రసాద్‌ మూరెళ్ల సినిమాటోగ్రాఫర్‌ కాగా తమ్మిరాజు ఎడిటర్. ఇక కార్తికేయ హీరోగా అర్జున్ జంధ్యాల చివరగా డైరెక్ట్ చేసిన గుణ 369 బాక్సాఫీస్ వద్ద డిజాస్టర్‌గా నిలిచింది. ఈ సారి ఎలాగైనా మంచి హిట్టు కొట్టాలని చూస్తున్నాడు అర్జున్ జంధ్యాల.
And that’s a wrap for #DevakiNandanaVasudeva ❤️🔥
Get ready to witness its glory on the big screens soon 🎥🔥https://t.co/LAgXz8meAG@AshokGalla_ @varanasi_manasa @ArjunJandyala @PrasanthVarma @DevdattaGNage @getupsrinu3 #RasoolEllore #BheemsCeciroleo @balasomineni… pic.twitter.com/RqluuVRntu
— BA Raju’s Team (@baraju_SuperHit) June 11, 2024
