నాగలక్ష్మి ప్రొడక్షన్స్ పతాకంపై రవీంద్ర గోపాల హీరోగా నటిస్తూ స్వీయ దర్శకత్వంలో రూపొందించిన సినిమా ‘దేశం కోసం భగత్సింగ్’. రాఘవ, మనోహర్, జీవా, సూర్య, సుధ, ప్రసాద్ బాబు ఇతర పాత్రలు పోషించారు. ఈ చిత్ర ఆడియో విడుదల కార్యక్రమం హైదరాబాద్లో జరిగింది. పరుచూరి గోపాలకృష్ణ మాట్లాడుతూ…‘రవీంద్ర గోపాల ఈ చిత్రంలో 14 మంది స్వాతంత్య్ర సమరయోధుల పాత్రల్లో నటించాడు. ఎంతో ఆత్మవిశ్వాసం ఉంటే గానీ ఇది సాధ్యం కాదు. దేశం కోసం ఆయన చేసిన సినిమా ఇది’ అన్నారు. రవీంద్ర గోపాల మాట్లాడుతూ…‘ఒక మంచి చిత్రాన్ని తెరకెక్కించాలనే లక్ష్యంతో చేసిన చిత్రమిది. ఇటీవల విడుదలైన మా ట్రైలర్కు మంచి స్పందన వస్తున్నది. ఫిబ్రవరి 3న సినిమాను విడుదల చేస్తున్నాం’ అన్నారు.