Puri Jagannadh | ‘జార్జ్ క్రిష్’ సెట్స్‌లో పూరి జగన్నాథ్ సందడి.. శ్రీను వైట్లకు అదిరిపోయే సర్ప్రైజ్!

GeorgeKrish | టాలీవుడ్‌లో ప్రస్తుతం క్రేజీ కాంబినేషన్లలో తెరకెక్కుతున్న చిత్రాల్లో 'జార్జ్ క్రిష్' ఒకటి. చార్మింగ్ స్టార్ శర్వానంద్ హీరోగా, టాలెంటెడ్ డైరెక్టర్ శ్రీను వైట్ల దర్శకత్వంలో ఈ సినిమా రూపొందుతోంది.

October 14, 2026 / 02:55 PM IST

Puri Jagannadh | ‘జార్జ్ క్రిష్’ సెట్స్‌లో పూరి జగన్నాథ్ సందడి.. శ్రీను వైట్లకు అదిరిపోయే సర్ప్రైజ్!

GeorgeKrish | టాలీవుడ్‌లో డైరెక్టర్ శ్రీనువైట్ల, హీరో శర్వానంద్ కాంబినేషన్‌లో తెరకెక్కుతున్న చిత్రం ‘జార్జ్ క్రిష్’. ప్రస్తుతం శరవేగంగా షూటింగ్ జరుపుకుంటున్న ఈ సినిమా సెట్స్‌కు ప్రముఖ దర్శకుడు పూరి జగన్నాథ్ విచ్చేసి అందరినీ ఆశ్చర్యపరిచారు. శ్రీనువైట్లతో ఉన్న ఎన్నో సంవత్సరాల స్నేహంతో పూరి జగన్నాథ్ స్వయంగా షూటింగ్ స్పాట్‌కు వెళ్లారు. ఈ అరుదైన కలయిక పట్ల శ్రీనువైట్ల ఎంతో ఆనందం వ్యక్తం చేశారు. చాలా కాలం తర్వాత తన మంచి స్నేహితుడు పూరి జగన్నాథ్ సెట్స్‌కు రావడం చాలా సంతోషాన్నిచ్చిందని ఆయన సోషల్ మీడియా ద్వారా వెల్లడించారు.

మరోవైపు, ఈ అనుభూతిని ‘పూరి కనెక్ట్స్’ అధికారిక పేజీ ద్వారా పంచుకున్న పూరి జగన్నాథ్.. ‘జార్జ్ క్రిష్’ చిత్ర యూనిట్‌కు, శ్రీనువైట్లకు అభినందనలు తెలిపారు. “ఎప్పటికీ నా బెస్ట్ ఫ్రెండే భయ్యా.. ఈ సినిమాతో నువ్వు బ్లాక్‌బస్టర్ హిట్ కొట్టాలి” అంటూ ఆయన రాసుకొచ్చిన ట్వీట్ ప్రస్తుతం టాలీవుడ్‌లో వైరల్‌గా మారింది. ఇండస్ట్రీకి చెందిన ఇద్దరు ప్రముఖ దర్శకులు ఇలా కలుసుకొని ఒకరికొకరు సపోర్ట్ చేసుకోవడంపై సినీ అభిమానులు సంతోషం వ్యక్తం చేస్తున్నారు.