ప్రేక్షకుల స్పందన బాగుంది

ఆకాష్‌ పూరి, గెహనా సిప్పీ జంటగా దర్శకుడు జీవన్‌ రెడ్డి తెరకెకించిన సినిమా ‘చోర్‌ బజార్‌’. ఈ చిత్రాన్ని ఐవీ క్రియేషన్స్‌ పతాకంపై వీఎస్‌ రాజు నిర్మించారు. యూవీ క్రియేషన్స్‌ సమర్పణలో ఇటీవలే ప్రేక్షకుల ముందుకొచ్చిందీ సినిమా. తాజాగా చిత్ర సక్సెస్‌ మీట్‌ను హైదరాబాద్‌లో నిర్వహించారు. ఈ సందర్భంగా హీరో ఆకాష్‌ పూరి మాట్లాడుతూ…‘మాస్‌ హీరోగా మెప్పించాననే పేరు ఈ సినిమాతో నాకు దకింది. నేను జనాల్లోకి హీరోగా వెళ్లిపోయాను అనే ప్రశంసలు దకుతున్నాయి. ఆ ఘనత దర్శకుడు జీవన్‌ రెడ్డికి ఇవ్వాలి. సినిమా అన్ని వర్గాల ప్రేక్షకులకు నచ్చుతోంది. ఫైట్‌ మాస్టర్‌ పృథ్వీ కంపోజ్‌ చేసిన యాక్షన్‌ సీన్స్‌ ఆకర్షణగా నిలిచాయని అంటున్నారు. నా గత రెండు చిత్రాల కన్నా ఈ సినిమా గ్రాండ్‌గా ఉందని చెబుతున్నారు. ఈ చిత్రంతో అందమైన జ్ఞాపకాలు దక్కాయి’ అన్నారు. దర్శకుడు జీవన్‌ రెడ్డి మాట్లాడుతూ..‘ఒక కలర్‌ ఫుల్‌ కమర్షియల్‌ సినిమా చేయాలన్న మా ప్రయత్నం విజయవంతమైంది. అన్ని కేంద్రాల నుంచి మంచి స్పందన వస్తున్నది. నేను తొలిసారి ఒక మాస్‌ సినిమా చేశాను. ఆకాష్‌తో పాటు మిగతా టీమ్‌ అంతా నాకెంతో సపోర్ట్‌ చేశారు’ అన్నారు. ఈ కార్యక్రమంలో నిర్మాత వీఎస్‌ రాజు, సహ నిర్మాత సురేష్‌ వర్మ, గీత రచయిత మిట్టపల్లి సురేందర్‌, ఇతర నటీనటులు, సాంకేతిక నిపుణులు పాల్గొన్నారు.