Champion | థియేటర్లలో మిస్ అయితే ఇక టెన్షన్ లేదు .. నేటి నుండి ‘ఛాంపియన్’ నెట్‌ఫ్లిక్స్‌లో స్ట్రీమింగ్ ప్రారంభం

Champion | యంగ్ హీరో రోషన్ మేకా లీడ్ రోల్‌లో నటించిన లేటెస్ట్ చిత్రం ‘ఛాంపియన్’ థియేటర్లలో విడుదలై నెల రోజులు కూడా గడవకముందే ఓటీటీలోకి వచ్చేసింది. భారీ అంచనాల మధ్య క్రిస్మస్ కానుకగా 2025 డిసెంబర్ 25న గ్రాండ్‌గా రిలీజ్ అయిన ఈ సినిమా, ఆశించిన స్థాయిలో బాక్సాఫీస్ వద్ద ప్రేక్షకులను ఆకట్టుకోలేకపోయింది.

Champion | యంగ్ హీరో రోషన్ మేకా లీడ్ రోల్‌లో నటించిన లేటెస్ట్ చిత్రం ‘ఛాంపియన్’ థియేటర్లలో విడుదలై నెల రోజులు కూడా గడవకముందే ఓటీటీలోకి వచ్చేసింది. భారీ అంచనాల మధ్య క్రిస్మస్ కానుకగా 2025 డిసెంబర్ 25న గ్రాండ్‌గా రిలీజ్ అయిన ఈ సినిమా, ఆశించిన స్థాయిలో బాక్సాఫీస్ వద్ద ప్రేక్షకులను ఆకట్టుకోలేకపోయింది. దీంతో ఇప్పుడు ఈ చిత్రానికి ఓటీటీ వేదికగా మరో ఛాన్స్ లభించింది. ప్రముఖ ఓటీటీ సంస్థ నెట్‌ఫ్లిక్స్ ఈ సినిమాను తన ప్లాట్‌ఫామ్‌లోకి తీసుకొచ్చింది. నేటి నుంచి (జనవరి 29) ‘ఛాంపియన్’ నెట్‌ఫ్లిక్స్‌లో స్ట్రీమింగ్‌కు అందుబాటులోకి వచ్చింది. థియేటర్లలో ఈ సినిమాను మిస్ అయిన ప్రేక్షకులు, లేదా మరోసారి చూడాలనుకునేవారు ఇప్పుడు ఇంట్లో కూర్చునే వీక్షించే అవకాశం లభించింది.

ప్రదీప్ అద్వైతమ్ దర్శకత్వంలో తెరకెక్కిన ఈ సినిమా పీరియాడిక్ నేపథ్యంతో రూపొందింది. కథ, కథనం పరంగా కొత్తదనం ఉండటంతో మొదట్లో సినిమాపై ఆసక్తి నెలకొన్నప్పటికీ, విడుదల అనంతరం మిక్స్‌డ్ టాక్ రావడంతో థియేటర్లలో ఆశించిన రేంజ్‌లో రన్ కాలేకపోయింది. అయినప్పటికీ, ఓటీటీ ప్రేక్షకులకు ఈ సినిమా కొత్త అనుభూతిని ఇవ్వగలదనే అభిప్రాయం వ్యక్తమవుతోంది. ఈ చిత్రాన్ని స్వప్న సినిమా, ఆనంది ఆర్ట్ క్రియేషన్స్, జీ స్టూడియోస్ సంయుక్తంగా నిర్మించాయి. హీరోయిన్‌గా అనశ్వర రాజన్ నటించగా, సంగీత దర్శకుడు మిక్కీ జే మేయర్ అందించిన బ్యాక్‌గ్రౌండ్ స్కోర్, పాటలు సినిమాకు ప్లస్‌గా నిలిచాయని పలువురు చెబుతున్నారు.

రోషన్ మేకా కెరీర్‌లో ఒక డిఫరెంట్ అటెంప్ట్‌గా నిలిచిన ‘ఛాంపియన్’, థియేటర్లలో దక్కని స్పందనను ఓటీటీలో అయినా అందుకుంటుందా? కొత్తగా వచ్చే ఆడియన్స్‌ను ఆకట్టుకుంటుందా? అన్నది చూడాలి. మొత్తానికి, ఈ వీకెండ్‌కు ఓ కొత్త సినిమా కోసం చూస్తున్నవారికి ‘ఛాంపియన్’ నెట్‌ఫ్లిక్స్‌లో ఒక మంచి ఆప్షన్‌గా మారింది.