God Father Movie | చిరు అభిమానులకు మెగా ట్రీట్‌.. ‘గాడ్‌ఫాద‌ర్’ టీజ‌ర్ డేట్ వ‌చ్చేసింది..!

God Father Teaser Date Announced | ఫ‌లితంతో సంబంధంలేకుండా చిరు ప్ర‌స్తుతం వ‌రుసగా సినిమాల‌ను చేస్తున్నాడు . ఇటీవ‌లే ‘ఆచార్య‌’తో భారీ ప‌రాజ‌యాన్ని మూట‌గ‌ట్టుకున్న.. సినిమాల వేగాన్ని మాత్రం త‌గ్గించ‌డం లేదు. ఈయ‌న స‌హ న‌టులు ఒక‌టి రెండు సినిమాల‌ను లైన్లో పెడితే ఈయ‌న మాత్రం నాలుగైదు సినిమాల‌ను లైన్లో పెడుతున్నాడు. అప్ప‌ట్లో చిరంజీవికి ఎంత బిజీ షెడ్యూల్ ఉందో, ఇప్పుడు కూడా అంతే ఉంది. ప్ర‌స్తుతం ఈయ‌న చేతిలో నాలుగు సినిమాలున్నాయి. అందులో ‘గాడ్‌ఫాద‌ర్’ ఒక‌టి. మ‌ల‌యాళంలో సూప‌ర్ హిట్ట‌యిన ‘లూసీఫ‌ర్‌’కు రీమేక్‌గా ఈ చిత్రం తెర‌కెక్కుతుంది. మొహ‌న్‌రాజా ఈ చిత్రానికి ద‌ర్శ‌క‌త్వం వ‌హిస్తున్నాడు. షూటింగ్ చివ‌రిద‌శ‌లో ఉన్న ఈ చిత్రం అక్టోబ‌ర్ 5న ద‌స‌రా కానుక‌గా విడుద‌ల కానుంది. ఈ క్ర‌మంలో మేక‌ర్స్ వ‌రుస అప్‌డేట్‌ల‌తో సినిమాపై క్యూరియాసిటీని పెంచుతున్నారు.

మెగాస్టార్‌ అభిమానులు ఎంతగానో ఎదురు చూస్తున్న టీజ‌ర్ అప్‌డేట్‌ను మేక‌ర్స్ తాజాగా ప్ర‌క‌టించారు. గాడ్‌ఫాదర్ టీజ‌ర్‌ను ఆగ‌స్టు 21న విడుద‌ల చేయ‌నున్న‌ట్లు పోస్ట‌ర్‌ను విడుద‌ల చేశారు. పోస్ట‌ర్‌లో చిరు బ్లాక్ గ్లాసెస్ ధ‌రించి క్లాస్ లుక్‌లో ఉన్నాడు. ఈ సినిమా అనౌన్స్ చేసిన‌ప్ప‌టి నుండి ప్రేక్ష‌కుల‌లో భారీ అంచ‌నాలు నెల‌కొన్నాయి. ఇక ఇటీవ‌లే విడుద‌లైన మెగాస్టార్ ఫ‌స్ట్‌లుక్ పోస్ట‌ర్ ప్రేక్ష‌కుల‌ను విప‌రీతంగా ఆక‌ట్టుకుంది. ఈ చిత్రాన్ని రామ్‌చ‌ర‌ణ్‌, ఆర్.బి.చౌద‌రి, ప్ర‌సాద్ ఎన్‌వి సంయుక్తంగా నిర్మిస్తున్నారు. స‌ల్మాన్‌ఖాన్ ముఖ్య పాత్ర‌లో న‌టిస్తుండ‌గా స‌త్య‌దేవ్, న‌య‌న‌తార కీల‌క‌పాత్ర‌లు పోషిస్తున్నారు. ఎస్ఎస్ థ‌మ‌న్ సంగీతాన్ని అందిస్తున్నాడు.

Make way for Megastar @KChiruTweets 🔥

Mightier than ever ❤️‍🔥
Fearsome than ever ❤️‍🔥#GodFather Teaser on August 21st 💥💥@BeingSalmanKhan @jayam_mohanraja #Nayanthara @MusicThaman @AlwaysRamCharan @ProducerNVP @SuperGoodFilms_ @KonidelaPro @saregamasouth pic.twitter.com/DnMqi14GFj

— Konidela Pro Company (@KonidelaPro) August 18, 2022