Chiranjeevi | చిరంజీవి సాయం.. సెన్సార్ చిక్కుల నుంచి బయటపడిన ‘కామ్రేడ్ కల్యాణ్’

Chiranjeevi | టాలీవుడ్‌లో తనదైన కామెడీ టైమింగ్‌తో ప్రేక్షకులను అలరిస్తున్న హీరో శ్రీవిష్ణు ఖాతాలో మరో విజయం చేరింది. ఆయన నటించిన తాజా కామెడీ డ్రామా ‘కామ్రేడ్ కల్యాణ్’ బాక్సాఫీస్ వద్ద బ్రేక్ ఈవెన్ సాధించి, క్లీన్ హిట్‌గా నిలిచినట్లు చిత్ర బృందం వెల్లడించింది. మహిమా నంబియార్ కథానాయికగా నటించిన ఈ సినిమాకు జనకీరామ్ మారెళ్ల దర్శకత్వం వహించారు.

Chiranjeevi | టాలీవుడ్‌లో తనదైన కామెడీ టైమింగ్‌తో ప్రేక్షకులను అలరిస్తున్న హీరో శ్రీవిష్ణు ఖాతాలో మరో విజయం చేరింది. ఆయన నటించిన తాజా కామెడీ డ్రామా ‘కామ్రేడ్ కల్యాణ్’ బాక్సాఫీస్ వద్ద బ్రేక్ ఈవెన్ సాధించి, క్లీన్ హిట్‌గా నిలిచినట్లు చిత్ర బృందం వెల్లడించింది. మహిమా నంబియార్ కథానాయికగా నటించిన ఈ సినిమాకు జనకీరామ్ మారెళ్ల దర్శకత్వం వహించారు. అయితే విడుదలకు ముందు ఈ సినిమా సెన్సార్ సమస్యలతో ఇబ్బందులు ఎదుర్కొన్నట్లు తెలుస్తోంది. ఆ సమయంలో మెగాస్టార్ చిరంజీవి చేసిన సహాయం చిత్ర బృందానికి ఎంతో ఊరటనిచ్చిందని రచయిత, నిర్మాత కోన వెంకట్ తాజాగా వెల్లడించారు.

‘కామ్రేడ్ కల్యాణ్’ విడుదలకు ముందు సెన్సార్‌కు సంబంధించిన కొన్ని సమస్యలు ఎదురైనట్లు సమాచారం. ఈ పరిణామాలతో కోన వెంకట్ తీవ్ర ఆందోళనకు గురయ్యారట. సినిమా విడుదల సమయం దగ్గరపడుతున్న వేళ సెన్సార్ ప్రక్రియలో ఇబ్బందులు ఎదురుకావడంతో ఆయన టెన్షన్ పడ్డారట‌. ఈ సమయంలోనే మెగాస్టార్ చిరంజీవి ఆయనకు అండగా నిలిచారు. ప్రస్తుతం చిరంజీవి నటిస్తున్న ‘కాకా’ సినిమా సెట్స్‌లో కోన వెంకట్‌ను చూసిన చిరంజీవి.. ఆయన ఏదో ఆందోళనలో ఉన్నట్లు గుర్తించారు. ఏమైందని ఆరా తీసినప్పుడు సినిమా సెన్సార్ సమస్యల గురించి తెలుసుకున్నార‌ట‌. కోన వెంకట్ ఎదుర్కొంటున్న సమస్యను తెలుసుకున్న చిరంజీవి వెంటనే స్పందించారట. ‘కామ్రేడ్ కల్యాణ్’ సెన్సార్ ప్రక్రియ సజావుగా పూర్తయ్యేలా సహాయం చేశారని కోన వెంకట్ స్వయంగా వెల్లడించినట్లు తెలుస్తోంది. దీంతో సినిమా విడుదలకు ముందు ఎదురైన ఇబ్బందులు తొలగి, చిత్ర బృందానికి ఊరట లభించింది.

సినిమా పరిశ్రమలో ఒకరు కష్టాల్లో ఉన్నప్పుడు మరొకరు అండగా నిలవడం ఎంత ముఖ్యమో ఈ ఘటన మరోసారి గుర్తుచేస్తోంది. ముఖ్యంగా విడుదలకు ముందు ఇలాంటి సమస్యలు ఎదురైనప్పుడు సీనియర్ నటులు, పరిశ్రమలో అనుభవం ఉన్నవారు చేసే సహాయం చిత్ర బృందాలకు ఎంతో ఉపయోగపడుతుంది. చిరంజీవి తనకు చేసిన సాయాన్ని కోన వెంకట్ గుర్తుచేసుకోవడం ఇప్పుడు ఆసక్తికరంగా మారింది. శ్రీవిష్ణు కథానాయకుడిగా నటించిన ‘కామ్రేడ్ కల్యాణ్’ కామెడీ, వినోదాత్మక అంశాలతో రూపొందింది. ఈ చిత్రంలో మహిమా నంబియార్ కథానాయికగా నటించగా, రాధిక, సుదర్శన్, షైన్ టామ్ చాకో, ఉపేంద్ర లిమాయే, సాయిచంద్ తదితరులు కీలక పాత్రలు పోషించారు.