నీ కోసమే ప్రణయగీతం

యష్‌ పూరి, స్టెఫీ పటేల్‌ ప్రధాన పాత్రల్లో నటిస్తున్న చిత్రం ‘చెప్పాలని ఉంది’. ‘ఒక మాతృభాష కథ’ ఉపశీర్షిక. అరుణ్‌ భారతి ఎల్‌ దర్శకుడు.

యష్‌ పూరి, స్టెఫీ పటేల్‌ ప్రధాన పాత్రల్లో నటిస్తున్న చిత్రం ‘చెప్పాలని ఉంది’. ‘ఒక మాతృభాష కథ’ ఉపశీర్షిక. అరుణ్‌ భారతి ఎల్‌ దర్శకుడు. సూపర్‌గుడ్‌ ఫిల్మ్స్‌ పతాకంపై వాకాడ అంజన్‌ కుమార్‌, యోగేష్‌ కుమార్‌ నిర్మించారు. తాజాగా ఈ సినిమాలోని ‘నీ కోసం’ అనే పాట విడుదలైంది. మెలోడీ ప్రధానంగా సాగే ఈ గీతాన్ని కశ్మీర్‌లోని సుందరమైన లొకేషన్లలో చిత్రీకరించారు. ప్రేమికుల ఎడబాటుని తెలియజెపుతూ ఈ పాట హృద్యంగా సాగింది.

కృష్ణచైతన్య సాహిత్యాన్నందించారు. మనసును తడిమే భావోద్వేగాలున్న ప్రేమకథా చిత్రమిదని, తప్పకుండా ప్రేక్షకులకు కొత్త అనుభూతినందిస్తుందని దర్శకుడు తెలిపారు. డిసెంబర్‌ 9 ఈ చిత్రం విడుదలకానుంది. సత్య, పృథ్వీ, మురళీశర్మ, సునీల్‌, తనికెళ్ల భరణి, రాజీవ్‌ కనకాల తదితరులు నటిస్తున్న ఈ చిత్రానికి కెమెరా: ఆర్‌.పి, సంగీతం: అస్లాంకీ, సంభాషణలు: విజయ్‌, సమర్పణ: ఆర్‌.బి.చౌదరి, రచన-దర్శకత్వం: అరుణ్‌భారతి ఎల్‌.