Canada theatres | గుర్తుతెలియ‌ని గ్యాస్‌ను స్ప్రే చేసిన దుండ‌గులు : థియేట‌ర్ల‌ను ఖాళీ చేయించిన పోలీసులు
కెన‌డాలోని గ్రేట‌ర్ టొరంటోలో వివిధ ప్రాంతాల‌కు చెందిన మూడు సినిమా థియేట‌ర్ల‌ను (Canada theatres) పోలీసులు ఖాళీ చేయించారు.
టొరంటో : కెన‌డాలోని గ్రేట‌ర్ టొరంటోలో వివిధ ప్రాంతాల‌కు చెందిన మూడు సినిమా థియేట‌ర్ల‌ను (Canada theatres) పోలీసులు ఖాళీ చేయించారు. మాస్క్ ధ‌రించిన దుండ‌గులు హిందీ సినిమాల‌ను ప్ర‌ద‌ర్శిస్తున్న థియేట‌ర్ల‌లో గుర్తుతెలియ‌ని గ్యాస్‌ను స్ప్రే చేయ‌డంతో ఆయా థియేట‌ర్ల నుంచి ప్రేక్ష‌కుల‌ను పంపించివేశారు. ఈ ఘ‌ట‌న‌ల‌కు సంబంధించి ఎవ‌రూ తీవ్ర అస్వ‌స్ధ‌త‌కు లోన‌వ‌డం, ప్రాణ న‌ష్టం వాటిల్ల‌క‌పోవ‌డంతో అంద‌రూ ఊపిరిపీల్చుకున్నారు.
వాఘ‌న్ ప్రాంతంలో మంగ‌ళ‌వారం రాత్రి ఈ త‌ర‌హా ఘ‌ట‌న జ‌రిగింద‌ని యార్క్ ప్రాంతీయ పోలీసులు వెల్ల‌డించారు. మాస్క్ ధ‌రించిన ఇద్ద‌రు వ్య‌క్తులు గుర్తుతెలియ‌ని గ్యాస్‌ను స్ప్రే చేయ‌డంతో ప‌లువురు ప్రేక్ష‌కులు ద‌గ్గుతో బాధ‌ప‌డ్డార‌ని పోలీసులు తెలిపారు. ఈ స‌మ‌యంలో హిందీ సినిమా ప్ర‌ద‌ర్శిత‌మ‌వుతుండ‌గా 200 మంది సినీ ప్రియులు మూవీని వీక్షిస్తున్నార‌ని చెప్పారు.
ఘ‌ట‌న నేప‌ధ్యంలో ప్రేక్ష‌కుల‌ను పోలీసులు థియేట‌ర్ల నుంచి బ‌య‌ట‌కు పంపించివేశారు. ఘ‌ట‌న‌పై స‌మాచారం అందుకుని పోలీసులు అక్క‌డ‌కు చేరుకునేలోపే అనుమానితులు త‌ప్పించుకున్నారు. ఈ ఘ‌ట‌న‌ల‌కు సంబంధించి నిందితుల‌ను అదుపులోకి తీసుకునేందుకు పోలీసులు ప్ర‌య‌త్నిస్తున్నారు. అదే రోజు సాయంత్రం మూడు గంట‌ల వ్య‌వ‌ధిలోనే ఈ ఘ‌ట‌న‌లు చోటుచేసుకున్నాయ‌ని పోలీసులు చెప్పారు.
Read More :
Chennai: వ‌ర‌ద నీటిలో చెన్నై.. కొన‌సాగుతున్న రిలీఫ్ ఆప‌రేష‌న్స్‌
Read Today's Latest Cinema News in Telugu and Telugu News
- Follow Us :
-
