Final Destination Bloodlines | ఇండియన్ బాక్సాఫీస్‌ను షేక్ చేస్తున్న హాలీవుడ్ మూవీ.. తొలిరోజు వసూళ్లు ఇవే.!

Bloodlines | హాలీవుడ్ హర్రర్ ఫిల్మ్ ఫ్రాంచైజీ 'ఫైనల్ డెస్టినేషన్' నుంచి వచ్చిన తాజా చిత్రం 'బ్లడ్‌లైన్స్' ఇండియాలో విడుదలైన మొదటి రోజే భారీ వసూళ్లను రాబడుతుంది.

Final Destination Bloodlines | హాలీవుడ్ హర్రర్ ఫిల్మ్ ఫ్రాంచైజీ ‘ఫైనల్ డెస్టినేషన్’ నుంచి వచ్చిన తాజా చిత్రం ‘బ్లడ్‌లైన్స్’ ఇండియాలో విడుదలైన మొదటి రోజే భారీ వసూళ్లను రాబడుతుంది. మే 15న ప్రేక్షకుల ముందుకు వచ్చిన ఈ చిత్రం తొలిరోజు ఏకంగా రూ. 5.25 కోట్ల గ్రాస్ కలెక్షన్స్‌ను సాధించింది. దీంతో ఇండియాలో హాలీవుడ్ హర్రర్ సినిమాల్లో అత్యధిక ఓపెనింగ్ డే కలెక్షన్లు సాధించిన చిత్రాల్లో ఇది నాలుగో స్థానంలో నిలిచింది. ఈ లిస్టులో ‘ది కాంజురింగ్’ సిరీస్‌ సినిమాలు టాప్-3లో ఉన్నాయి. ‘ది నన్’ చిత్రం రూ. 10.80 కోట్లతో మొదటి స్థానంలో ఉండగా, ‘ది కాంజురింగ్ 2’ రూ. 7 కోట్లు, ‘అన్నాబెల్లే: క్రియేషన్’ రూ. 6 కోట్లతో ఆ తర్వాత స్థానాల్లో కొనసాగుతున్నాయి.

ఇండియాలో ‘ఫైనల్ డెస్టినేషన్’ సిరీస్‌కు మంచి క్రేజ్ ఉన్నప్పటికీ, గత చిత్రాలు బాక్సాఫీస్ వద్ద ఆశించిన స్థాయిలో రాణించలేకపోయాయి. 2011లో విడుదలైన ‘ఫైనల్ డెస్టినేషన్ 5’ ఇండియాలో కేవలం రూ. 7.65 కోట్లు మాత్రమే వసూలు చేసింది. అయితే ‘బ్లడ్‌లైన్స్’ విడుదలైన రెండు రోజుల్లోనే ఈ ఫ్రాంచైజీలో అత్యధిక వసూళ్లు సాధించిన చిత్రంగా నిలవనుందని ట్రేడ్ అనలిస్టులు భావిస్తున్నారు.

మొదటి రోజు నుంచే పాజిటివ్ రివ్యూలు రావడంతో ఈ సినిమా రాబోయే రోజుల్లో మరింత మంచి కలెక్షన్లు సాధిస్తుందని ట్రేడ్ వర్గాలు అంచనా వేస్తున్నాయి. అయితే మే 17న విడుదల కానున్న టామ్ క్రూజ్ నటించిన భారీ చిత్రం ‘మిషన్: ఇంపాజిబుల్ – డెడ్ రెకనింగ్’ నుంచి దీనికి గట్టి పోటీ ఎదురయ్యే అవకాశం ఉంది.

ఈ చిత్రానికి ఆడమ్ స్టెయిన్ & జాక్ లిపోవ్స్కీ సంయుక్తంగా దర్శకత్వం వ‌హించ‌గా.. బుసిక్ & లోరి ఎవాన్స్ టేలర్ స్క్రీన్ ప్లే అందించారు. కైట్లిన్ శాంటా జువానా, టెయో బ్రియోన్స్, రిచర్డ్ హార్మన్, ఓవెన్ పాట్రిక్ జాయ్నర్, అన్నా లోరే ముఖ్య పాత్ర‌ల్లో న‌టించారు.